170729酷熱下的微微驟雨中

朝早就先報上酷熱警告, 我地一樣在 7:30am到陽明山莊郊野公園閘口, 整妝出發.

起步時, 本來都厚雲又有風.

但一陣, 厚雲走左, 陽光出現.

一大清早, 行左幾步.

成個醒晒, 仲狂奔.

細媽在後好悠閑, 我就癲到快無痕.

因為我要追行在前面嘅婆婆.

今日, 都遇到相熟狗街坊行山.

我地繼城門河後.

呢度都次次撞到傭姐姐帶狗狗行山或晨運.

雖然都係 Hi 一聲, 都好熟落咁.

今次地面乾爽.

厚雲又有陽光.

婆婆打傘擋陽光.

今日由柏架山道斜落, 唔怕因有青苔而滑倒.

落斜, 再上石屎車路, 媽咪怕我太熱太攰, 抱住我上斜, 怕我中暑.

有大細媽照顧抱抱, 我覺好幸福.

其實, 婆婆都在福中, 唔駛去執紙皮.

所以, 大細媽都成日話我兩婆孫走運.

小休時, 突然灑微微驟雨.

真好彩, 間日驟雨, 真係微雨灑在我地頭頂.

但都無問題.

我有 cooling coat吸水, 婆婆有雨傘.

水滿塘.

倒影好靚.

 過埋最後一條石橋.

就行晒全段路.

又係兩個小時左右, 到大潭道.
細媽, 快快手放好冰墊, 同開埋風扇, 我想上私家車休息呀.