受副熱帶高壓脊和熱帶氣旋塔拉斯嘅共同影響, 預左今日會有驟雨同雷暴警告.
臨出門時, 又落起大雨, 但起左身, 換晒衫, 唔埋, 照出發.
雨快來, 快走, 等車時, 都停雨了.
小瀝源呢邊唔濕喎.
雖然話有 29 度, 但唔覺囉, 仲有涼風, 似秋天咁.
我好似成為沙田街坊, 因為好多晨運客都認得我地, 同我地打招呼.
早起未睡醒, 快步走, 倦意全消.
媽咪 :兩婆孫好享受半退休生活, 清晨起身健步, 天公又睇住我地, 開心又健康, 感恩.
我都好開心, 亦習慣左來城門河晨運.
知道在打咭位, 用來記錄時間.
每個打咭位, 每次影出來嘅效果都唔同.
又到開花時.
笑樣都不一樣.
有點陽光燦眼.
但又有風吹.
真係要好好享受.
豬仔係得得B細佬, 係人都跟, 都幾驚有拐子佬, 好彩附近晨運街坊都識佢兩兄弟, 幫手睇住
我送左頂太陽帽俾小寶, 佢唔抗拒喎.
突然遠處見有大驟雨來, 各人都搵地方避雨, 係得B無埋囉.
我地回程先有驟雨, 都快行完, 濕左下半身都唔怕.
有D攰了, 快食完早餐, 快回家梳洗清潔呀, 我想早D大休呀.
沒有留言:
張貼留言