又要清早起床, 因為要避開烈日.
其實半夜都有雷暴警告, 港島區都有雨, 但無阻我地出動.
來得早, 但媽咪又肚痛, 好彩閘前有個臨時廁所, 折騰左一輪, 終於出發.
7 點幾, 天空已組好藍.
近排都要帶定雨傘, 擋陽遮雨.
頭段少斜上, 剛好迎向陽光走.
好曬呀.
婆婆, 我地轉落水塘, 會有樹蔭呀.
起步時, 好好風, 現在開始有點熱, 都係著返 cooling coat.
因為今早有雨, 一路行, 我手腳都濕晒.
大雨連場, 香港有好多水塘爆滿.
又話今年界乎 2000-2600毫米雨量, 雨量屬平常偏少, 但早幾日報導, 截至11/7, 已經錄得超過 1557毫米, 星期二仲一日發三次黃雨警告.
我希望雨能集中落在萬宜水塘同船灣淡水湖, 兩個水塘可以儲多些水.
今日遲左起步, 我地要追返少少時間.
天藍得好靚.
藍天, 等於溫度較高, 我忍唔住, 有水即玩, 仲扒係度, 肚仔濕晒好舒服.
由霸頂落下來, 沿路踩水, 跳跳紮, 媽咪無眼睇, 細媽話叫我盡情玩.
有濕草叢又鑽地, 鑽地成臉枯枝碎草爛葉, 睇下我幾開心.
無雨落, 都玩到全身濕晒.
河流仍源源不絕有水流.
仲好急湍.
本來個景幾好, 但我開心到笑瞇瞇, 無左大眼仔.
今日頭髮又扎得高, 頭髮跌晒落來, 遮眼眼.
呢張都係撥好頭髮先影咋.
近尾段, 厚雲又來了, 仲有陣陣風.
都唔錯.
又係差不多時間, 行畢全程, 我夠皮了, 細媽, 快手幫我除 cooling coat同帽, 我好想快快入袋, 休息瞓覺豬呀.
沒有留言:
張貼留言