140907突發秋步行

昨晚行黃昏, 今日例必去獅子會掘沙啦.

點知出左門口, 細媽突然話好多雲喎, 不如去上窰行下, 又好喎.

當來到西貢市中心, 頭頂出現大大個太陽, 但坐車返去獅子會, 又好戅居居.

有風吹, 上窰郊遊徑又有樹蔭, 有山擋, 陽光唔係直射, 我估我頂到.

好, 都係 8 點, 行就行.

每次都唔駛兩個鐘, 當入秋訓練開始.

可能成個夏季, 唔係 A 點就 B 點, 細媽都話我比平時開心左, 僅係, 我係Yama Boy山野小毛孩.

大細媽怕我熱, 都隨我玩水溪.

成身濕晒沾晒黃泥, 即時話我係四支牙籤插在大冬瓜喎.

.

曬下吹下風, 我又好快變身回靚仔樣.

曝罟灣營地, 又係小休時.

唔 hea, 行.

又到崖邊了, 媽咪每次都想起 07 年時, 大姨媽第一次帶我地行到呢度, 當時係斜坡, 無石級, 唔小心就掉落崖底.

整好後, 呢度無危險了.

你地見婆婆拎住野嗎 ? hehe , 遲些話你知.

嘩, 打破紀錄, 行左兩個多鐘.

細媽話十點幾了, 出返市區食個早午飯回家午睡剛剛好.

你地睇, 婆婆無拎背包, 因為都無諗過突發行山, 但佢唔似攰, 仲好輕鬆.

雲又多了.

下星期會唔會又玩即興呢 ?

咁都要睇天, 太曬, 我根本唔可以在烈日下,

今日夠皮.

腳力要慢慢練回來, 我知媽咪有幾個計劃, 正待時機.

剛才咪提過, 婆婆拎住包野o既. 大細媽一路行, 回頭成日見有人失蹤, 咪就係婆婆一路行, 一路摘山稔, 激屎我地, 拖慢晒步程, 否則點會成超過兩個多鐘喎