端午粽

臨近端午節, 剛巧細媽今日要返工, 天氣又熱, 都唔打算下午出去行, 驚我中暑呀 :P

佢咁得閒, 見我近排腸胃都OK, 話包幾隻粽子俾我過節, 既然開爐, 當然包多幾隻俾嘆嘆及 Ocean 兩兄妹啦 ^^

 

飯前飯後

媽咪成日都驚我超重, 屋企又無電子磅喎!!
咁佢地就諗到用量度腰圍來做體重嘅標準喇.

最近佢地覺得我好墜手, 咪又度下腰囉.
點知一度就嚇死佢地, 成36cm呀, 細媽即時行動, 減少晚餐嘅碳水化合物.

過左幾日嘅夜晚, 大媽又度腰, 唉!! 都係無乜進展.

細媽唔忿氣, 朝早幫我梳毛時, 又度下啦, 竟然係33cm,重影埋相俾大媽添.

點知夜晚, 大媽幫我梳毛, 又度腰, 都重係36cm, 點解呀!

140524濕熱在獅子會

晨早起身都有雷暴同大雨, 好彩係霎眼就走.

呢D日子, 又熱又雨,  又暫時唔可以去大浪西灣玩水, 昨日上午行半日城門河畔都熱, 咪揀今日來獅子會 hea 啦.

西貢清晨都有雨, 地面仲好濕.

140524城門河畔後拜公公

炎夏來臨, 加上又常有驟雨, 都諗唔到去邊, 咪早早又來小瀝源啦.

話有雨, 但好藍喎.

谷谷爸爸 (2000-24/5/2014)

自從15-9-2007早上, 蓉蓉媽咪, 悄悄地離開, 往彩虹橋與她兩個寶寶(圓圓及方方)重聚.
谷谷爹地, 你孤單一貓, 陪伴我地又過了七年.

不竟都 14歲, 在平均 8-10年的龍貓界, 絕對是龍貓瑞.

早前, 你媽咪細媽已發現你精神差了, 無胃口食野, 都預計到, 你往彩虹橋一家重聚的日子不遠了.

昨晚, 你還如常出籠, 在家屋企四處逛, 我逗你玩, 已覺你反應已遲緩.

今早, 我地出門時, 仍見你郁動, 想不到我地回家, 你已靜悄悄走了.

感謝你陪我地一家 14 年, 今日, 你回天家, 好好上路, 一家四口團聚, 再過開心日子 !

140518大浪西試水禮

立夏快兩星期, 又唔可以行山, 成日行城門河又似乎無悶左D, 大細媽見今日應該唔會有太多雨, 一於去大浪西快兜一圈, 視察下幾時適合游水先.

當我地往西貢途中, 出了雷暴警告, 唔怕卦.

由西灣亭起步無耐, 原來有山泥傾瀉, 媽咪抱起我, 我地小心翼翼在旁邊的爛泥槳經過, 泥濘好滑, 好跣呀.

感激你

你令黃家洛能整整齊齊, 每日好企埋咁, 帶著精神樣子出動.

可能你太操勞, 身體出現破損而要退役.

無論如何, 感激你呢幾年付出, 我地都再次謝謝你 !

140517驟雨黃昏城河畔

又係細媽長週, 媽咪同我瞓到十點半, 點知媽咪食完早餐, 又上網開工, 我就在佢旁邊悶爆.

我知媽咪都想等細媽返來, 同我出去, 但天氣又時晴會熱, 時驟雨, 一落又急, 但又走得快.

終於等到細媽收工, 原來佢都想同我行黃昏, 避開下午悶熱天.

本來在家係愁眉苦臉, 一到小瀝源, 即變臉, 你地話我變臉技術好好呢

140516 來家 9 週年 - 陪着你走.

抱了上手, 又甚可能捨得放手, 就這樣一抱, 就抱了 9 年.

由你踏入家門的第一日開始, 媽媽已經許下諾言. 要陪伴你走過漫長歲月, 要為你遮風擋雨, 要讓你過富足的窮孩子生活.

隨着你日漸成長, 體力不及當年勇.

希望往後的日子, 我們四口子都能齊齊整整, 健健康康, 一起走遍舊日的足跡.

140511母親節休息日

朝早黃雨, 早早預左母親節係唔出街慶祝.

婆婆話天公不造美, 媽咪爭取時間大覺瞓休息, 細媽媽去街市買早午晚三餐餸菜.

今日屋苑管理處在每座大廈大門口, 都安排派發康乃馨, 細媽出入, 管理員都硬要塞花俾細媽, 於是細媽就拎左兩枝康乃馨回來.

花朵係無味, 原來係絹布整, 好襟擺耐放.

140510最佳之選- 城門河畔

昨晚細媽同我講話今日要返工, 我清早又聞唔到新鮮出爐麵包味, 知細媽昨晚無預整麵包, 都無叫佢起身收麵包.

佢起身, 就叫我過媽咪房再瞓.

點知8 點半, 佢敲門叫醒我地. 

原來, 天文台預告今日有大雨, 佢地預左今日在家, 驚我以為有街去, 晨早morning call 佢地, 先呃我話返工呀.

又估唔到未有大雨, 仲出太陽, 本來細媽打算在屋企附近天橋行下, 媽咪唔想我用拖繩無自由, 堅持都係乒返來沙田.

140506微雨佛誕在城河

佛誕係咪例牌落雨呀 ?

本來打算早出早回, 點知起身仲係雨紛紛, 大細媽惟有食完早餐, 又同我大覺瞓.

細媽瞓到十點半, 見停雨又地乾, 婆婆又想出去行下, 一於又入小瀝源, 爭取一分一秒.

我剛在星期日先沖完涼, 媽咪驚行行下落雨, 怕我濕身凍同又要沖涼, 幫我著定雨褸, 落雨最多只需洗腳仔同肚仔.

140504四色雨在塔門

雖然有雨, 但我地照出動, 因為約左朋友仔, 又唔係狂風雷雨, 唔太影響.

原本大家打算在黃石等拉搭 9:30am 班船, 媽咪同二位姨姨昨日用 whatsapp再約實, 佢同另一個姨姨都認為改坐 8:30am, 我地傻傻下早入來, 點知齊齊誤會, 其實係坐返 9:30am 
好彩我地早入, 碼頭外私家車位泊滿晒, 叫姨姨改泊北潭涌, 唔好搏食牛肉乾.

140501勞動在城門河畔

天氣變幻無常, 前日仲話勞動節會有狂風雷雨, 昨晚又改為早上有幾陣急雨, 大細媽都費事煩, 昨晚都唔同我提今日出唔出街, 我當然醒目, 清晨一場雨段, 我立即叫醒細媽起身勞動應節 :P

沙田無雨落過, 天陰陰, 唔熱, 好好行.