130803婆婆首航

婆婆今個月就74歲, 佢咁大個女, 從未試過搭飛機, 我又唔可以陪到佢
肥舅父早兩個月前話想帶婆婆去旅行, 媽咪立即幫佢換返本新護照, 舊護照過晒期都無用過, 今次本新護照要好好用多D




原先報了個 5 天馬來西亞豪華團, 舅父舅母請晒大假, 回程翌日剛好係細表姐返中一試習班, 時間剛剛好
點知上星期五竟然通知話唔成團, 細表姐怕婆婆失望, 佢一家撲了成晚, 好彩都搵到另一團在今日出發

大細媽上星期五都驚搵唔到團, 令婆婆大失所望o架
今早一場傾盆大雨, 幾驚上的士時會淋濕婆婆, 當肥舅父來接婆婆時, 停雨兼出點點陽光, 你地睇下婆婆, 到左機場等上機時幾開心

婆婆, 你玩得盡興D呀, 媽咪請左假在家陪我, 我唔會孤單同悶, 但你要記得帶手信俾我喎