130825驟雨晴天在西灣

上星期日見話驟雨無入來西灣, 點知據聞好好天, 媽咪同細媽講, 又係預告今日驟雨, 會有陽光, 所以出身見雨都要照出發
入來時, 見三隻黑拉同佢地兩個主人一齊行緊入來, 媽咪仲打算等佢地行過晒先起步, 費事又出現上次撲上細媽事件
但一等再等都唔見佢地到來, 無可能仲等, 膽搏膽先



好奇怪, 行到好遠, 佢地都追唔過我地, 媽咪懷疑係其中一隻年紀大的黑拉, 唔夠力氣行, 佢地中途折返
而我呢, 咪行行下落起雨, 細媽又唔抱我, 要我淋雨呀

平時落雨, 細媽一定抱我, 今日竟然唔埋我.

到西灣, 海灣茶座掛橫額話被迫停業, 以後無左個靚景茶座

見三隻黑拉唔來, 仲打算在正灘玩, 但神眼細媽發現上年果個坐遊艇來的富貴阿太, 上年明明係我地先在沙灘玩緊, 佢地一家埋岸時, 竟然話佢個仔對動物敏感, 叫我唔好行近佢地, 但當時沙灘唔止我一個, 仲有其他毛孩同村狗, 細媽費事又聽佢今年輪到個女, 都係轉去副灣玩 

副灣都好, 唔太大浪

衝呀

嘩, D水好凍呀.....

僅係無做熱身, 等我轉下 warm up 先


細媽 : 個袋內係我地D背囊同你個袋來o架, 唔好整爛個膠袋, 入沙又淋雨點算

咁我鑽沙o羅

做完伸張活動.....

舒服晒, 可以落水喇

玩玩下, 遠遠大舊雨雲吹來, 好大雨, 被迫撤退, 細媽終於肯抱我

雨後陽光, 細媽見富太一家都避走回遊艇 

我地一於返去正灘玩

又估唔到好猛太陽喎

魔鬼細媽話我今日少游水,  要我臨尾都要游返轉, 沖走身上D沙.

浪呀, 衝呀......

幸好快到岸, 婆婆在岸上等我

或者昨日玩過大半日, 今日真係覺攰, 回家要好好休息 4 日, 因為好快又家庭樂