130824愛在晴雨間

媽咪諗住細媽短週, 見星期六有驗雨, 早幾日提議今日去荃錦坳行石屎路, 唔怕落雨喎
但俾細媽否決, 怕又上又落斜, 辛苦左我同婆婆
點知清晨一直落雨, 我同媽咪又大覺瞓到唔識醒
唔可以浪費假期, 最多又入來沙田o羅, 鬼知最近最方便咩



準備落車時, 又突然灑一陣雨, 明明出來時係見太陽o架

落雨咪搵地方避雨, 呢個夏季都慣晒

昨日係處暑, 即係夏天暑熱終止, 秋意正式開始, 咁幾時過雨季呢

雨後, 遍地濕潤, 我最愛

濕濕地最舒服呀

呢個位置, 變了細媽禁地, 但就係我至 like 避暑勝地

不經不覺又出到城門河

全家成星期, 唔係返工做係做家務或悶在家, 所以唔係滂沱大雨, 都要出來舒活筋骨

我當然最緊張, 平日一至五, 所有活動都係在家中咋

細媽見到棵樹好驚, 佢話成棵樹都係蜻蜓.....

仲有成身粒粒, 好恐怖喎

有蜻蜓, 咪又係有雨o羅, 我又要上私家車喇

見下陽光, 灑下細雨, 行下河畔, 就係我呢個夏季熱門節目.

呢度也變成我地今年夏季飯堂

班女子們食飽飽, 當然要繼續行啦....

行下又雨....

今日唔熱, 我濕身都無問題, 仲舒服呀

次次例牌打咭相, 媽咪一D都唔厭...

因為佢話我次次都有D唔同, 究竟有乜唔同呢

今日精神夠, 一於去埋划艇會先回頭....

天晴喇.

媽咪又學我打咭

細媽就來索我油

再來張官方照就回程

我最鍾意 HEA HEA 生活

今晚晚餐, 佢地揀在大圍坤記食腸粉, 簡單一餐, 尤如我生活簡簡單單, 平淡咪係福o羅