130728我與西灣

昨晚, 媽咪同細媽市講, 今日多數好天, 就算有雨都會好早就落完, 所以除非有黃雨, 清早起身見地濕或細雨都照舊
但入到來西灣亭, 又要停一停, 等一等.............事關

我地坐車入來時, 見三隻大黑拉快到呀......


佢地對人友善, 但對我就......, 我唔想俾佢地當毛公仔玩呀, 佢地一張口, 就可以咬晒我成個頭
細媽已經抱起我行開, 點知三隻黑拉仍然擒上細媽身, 媽咪當然圍住我地身護駕, 仲大喝佢地, 點知佢地主人叫媽咪打佢地, 話唔怕喎
你地係佢地主人, 佢地肯定怕你地啦, 媽咪係陌生人, 打佢地, 想找屎咩

終於等到佢地過晒, 我地先起步, 所以我地情願可以的話, 就星期六來西灣, 起碼唔會遇到三隻黑拉, 上次追我, 今次撲我同細媽 

今日西灣路沿途, 都有好多紅色菇, 顏色咁鮮艷, 肯定有毒.....只宜觀賞

這種菇都少見呢

快到西灣村, 呢隻初生之犢揊路呀, 好彩叫佢行開, 又好乖喎

到西灣正灘, 我地見三隻黑拉走到岩壁邊玩水, 我地當然要避佢地啦

副灘都好好o架, 因為我都係在河口游水, 無大浪撲入來

嘩, 何解D水咁凍o架....

鼓起勇氣落水先.........

上星期無游水, 細媽叫我今日補返, 唔好蝕喎

今早厚雲在我地頭頂, 游兩游, 凍凍地.....

對係游過對面岩石休息下先....

都好似無乜地方平坦, 趴唔到....

算啦, 水咁深, 大細媽都行唔到經來陪我, 都係落返來, 游返去搵媽咪

一接近細媽, 呢個魔鬼又要我定位訓練, 佢話要我保持有蠻腰, 怕我唔夠運動變肥仔

頭頂一片厚雲, 今日游水唔怕太曬, 遠遠藍天, 相信回程時都唔會行雷閃電

我除左游水, 強項係鑽沙


鑽一鑽,世界更美妙

細媽 : 但成身沙, 沙入眼仔點算

沙之o麻, 游返幾圈咪甩o羅

無太陽又凍....

有太陽又曬....

點可以兩全其美呢

游左個半鐘, 夠皮了, 仲要行返上山o架...

西灣, 下星期再見

今日天氣好, 但我地見唔到大浪西流浪狗一族, 只見到兩隻黑狗跟實清潔沙灘的伯伯, 其中一隻黑狗女, 未夠 6 個月, 伯伯話佢另有兩隻狗, 已經打晶片同絕肯, 呢隻狗女就未, 咁媽咪怕隻狗女差不多時候起水, 問準伯伯, 餵了一隻避震丸先

我地已經無去浪茄游水, 因為果處雖然靚, 但缺水同士多及靚廁所, 我只要回程時, 在小水霸沖洗下, 就可以將海水沖走, 免除醃全變咸狗

細媽好仔細洗一次, 回家就由媽咪負責再沖個泡泡浴同護毛, 咁就唔怕令毛毛變粗糙啦

當我地上到吹筒坳, 見有雨雲在附近, 仲灑了細雨, 吹來涼風, 無咁悶熱, good
在陽光伯伯間中偷下懶下, 我地舒服回到西灣亭, 又坐車去老闆娘度嘆個午餐先回家