130630七一前大游行

成兩星期無游水, 本來打算響應下七一大游行, 但昨日所有報導, 個熱帶風暴溫比亞似來勢洶洶打到來, 於是我地改變計劃



昨日見到細媽下午收工好開心, 以為會出去, 點知得個桔, 好彩今日補返o者 

真係藍天白雲, 仲好熱

今日係舊曆廿三, 基本上潮汐漲幅唔大, 可以見好大片沙灘.....


但今日又見三個大狗, 今次睇真係黑拉, 但佢地見狗就追, 都係留在士多對出玩算了...

只要唔大浪, 我無問題

雖然風暴未來, 但海面湧了少少浪, 我今日竟然突破心裡恐懼, 同浪玩遊戲


大細媽行了出去, 我就一次又一次, 自行走出海....

大細媽都好驚訝我何解今日唔怕浪湧.....

撲完一次又一次.....

有浪湧埋來....

海水兜頭冚

又 encore

玩到不亦樂乎

今次又遇到 blog同FB友馬莎來玩添呀


攰了....

休息下, 浸下水, 諗下下星期日

諗起又開心

於是又不自覺走去鑽沙

鑽沙完, 我都識沖身, 否則媽咪佢地又依依哦哦

差不多時間, 我都玩攰, 轉場, 搵下目標狗地先


要到副灘搵佢地, 唔知今日又點呢

我地行去四疊潭河口, 呢處無浪呀.....

但有崖邊沙灘仔, 我又鑽沙, 搞到頂太陽帽都反埋

我好識做, 咪游返幾轉沖身o羅

突然婆婆同細媽見到有隻黑狗蹤影, 媽咪立即返上岸周圍搵都唔見, 最後隻黑狗好悠閒地由小徑行入水中浸身

媽咪同佢講食包包, 佢有反應, 慢慢行埋來, 媽咪研究左好耐, 疑似係大細妹媽咪....

因為個頭同眼睛都似, 只係毛已經打結, 尾巴變了啡色, 仲肯定係一隻狗媽, 因為佢前方奶珠發大, 應該似只生了一次 

不論點都好, 先用排包餵避震丸, 佢食得好斯文, 要媽咪撕細片包包來食, 唔猴擒, 種種跡象都似係大細妹媽咪呀 

今日好開心, 相隔兩個月, 終於見返佢, 而且未大肚, 感恩呀


都 11點半, 今日酷熱, 唔好停留太耐, 要走喇

明天七一, 我地會早點起身, 希望爭取時間玩半日喇