130622同驟雨玩遊戲@一號風球下

似乎細媽短週唔太好天的宿命真係有排先打破
上星期都諗住今日剛好舊曆十五, 大退潮, 西灣會有好大個沙灘俾我跑, 預左小雨都會去
點知昨晚貝碧嘉迫近, 掛上三號風球, 今早起身時都未落晒波, 仲要陣陣大驟雨
好彩雨, 快來快走, 9 點時, 雖然仍舊係一號, 我地屋企頭頂見藍天, 太陽又出來, 一於又搏下, 同驟雨玩遊戲



講真落雨都唔知仲有邊度去, 又去至方便的城門河

入了小瀝源村, 行到橋底, 天變了, 唔係化

幸好在橋底, 我地等大驟雨過先再行都無問題, 事關都預左濕玩

等左10多分鐘, 雨過天晴

行兩行, 濕晒, 同去游水差不多o者

呢排都鍾意由小瀝源起步, 大細媽話可以避開我行出去單車路遮蔭時出意外喎

昨晚的大風吹, 可能係令呢隻蛾受傷的原因

厚雲多, 似會間中灑雨, 都唔怕, 因為呢段路多橋底同隧道, 可以有頂遮

當我地到橋底, 望見大圍正有大雨吹近

呢隻禾蝦(婆婆鄉下叫法)為左避雨, 懂得在欄杆等待....

又係好好彩, 我地無繼續前進, 呢場大驟雨好勁呀

橋底風涼水冷, 細媽話有張床, ,一定好好瞓

等了半個鐘, 雨後雖然唔見彩虹, 但有藍天

我地又繼續

全地濕, 我又濕

有得玩, 怕乜濕

媽咪佢地成日話城門河好多白鷺, 我今日終於發現真係有o架

又到例牌時刻, 又俾佢地搵到吹風機位, 佢地舒服又一餐, 我惟有等呢三位女子啦 

因為趕出來, 我地今日遺左拎細媽部手機出來, 所以我地要行下就留意下婆婆, 好驚又案件重現

都話舊曆十五潮退勁, 河水退到見河底,,,,

剛才兩場大驟雨, 諗唔到雨後陽光, 就好似我地今早出門時咁藍天

我就唔太想太曬呢

因為沙鵲橋旁的寮屋有兩隻唐狗, 大細媽唔想我騷擾佢地安逸休息, 我咪行上路o羅 

兜左去沙田市中心呢邊啦

Hi

真係有點熱呢, 細媽隨身都帶定o即o即樽, 即時灑水在背, 爽晒....

嘻嘻, 我見帳篷下有一大灘水, 坐下先
好彩大細媽從來唔介意玩到濕身, 因為佢地唔想我中暑呀

咦, 又雲雨吹來, 唔通又要再次同驟雨玩遊戲
都唔驚, 我地在帳篷下

原來微雨咋

有驚無慌, 已經玩到過三點

呢邊岸邊位寬闊好多, 我好鍾意行出去

但媽咪要我小心, 怕我踏錯腳跌落河, 我咪行返入來囉

到此為止, 唔行遠啦...

其實無得去沙灘, 咪同驟雨玩囉, 暫時今日玩左兩次 

今日雖然都未能打破細媽短週就落雨的宿命, 只要無懼, 心存積極信念, 媽咪唔偷懶, 天定放晴, 我話o既

又玩左成 6 個多鐘, 好滿足喇
明天唔會來城門河喇, 因為有其他地方去呢