130616城門河 I O U

一早知道今星期六日都唔會好天, 都預左無得去西灣游水,
但媽咪睇過天文台預測, 知道星期日白天稍後時間, 雨勢會減弱, 既然都諗住要沖涼, 當然唔可以放過



早上食過早餐, 等雨稍停, 我地就換衫出發來小瀝源, 當然係行入去小瀝源村再回頭啦

行一陣, 肚仔毛都濕晒, 我仲有掘泥, 無沙灘去都一樣好享受我樂趣

嘩, 雨後陽光

今日出動, 細媽將手提電話交婆婆近身, 途中都測試過佢有無聽電話響聲, 又吩咐佢唔見我地就要企定定

大細媽為保婆婆平安, 長長氣氣, 咁全家先玩得開心 

其實我無預咁好陽光o架, 陰天仲舒服

陽光下, 白鷺都識在橋底乘涼

快到石船

抵達河畔, 陽光又偷懶了

我地咁鍾意來城門河, 除了方便, 因為呢三位女子鍾意望河邊小生物
三個女子一個墟, 今日話題係 : 點解今日咁多蟹


婆婆, 跟實我呀

你地睇下, 天上厚雲, 唔通又有雨
唔怕, 又唔係在山頭野嶺, 落雨最多濕身, 唔會滑倒 

又到沙角邨, 午飯時段, 又係女子增肥時間

亦係我午睡小休時


瞓醒精神爽

大圍果邊, 一方見藍天, 一方見灰雲, 等我企高望清楚先

我狗仔細細, 點都唔可以企得太高, 每次都有肉腿協助o架

到沙鵲橋, 我地又過橋, 端午節當日, 婆婆就係在沙田經呢條橋轉左去車公廟

當然大細媽又長氣叮囑婆婆, 真係好驚佢又無端端偏離航道

媽咪搞鬼叫婆婆影張相, 咁走失都記得佢著乜衫

大帳篷開始變了印姐姐大本營, 唔騷擾佢地, 我地都唔會留太耐

今日再行遠少少先...

去到划艇會, 又見石船, 差不多時間, 唔行了 

要回程喇, 有婆婆, 要預多點時間行去大圍....

城門河畔係狗地散步勝地, 我地沼途都見好多...

但呢隻就煩左DD, 一直跟住我尾....

等我表演飄移, 嚇下你先
唔好跟我, 搵返係爸B啦, 走失左, 變孤兒仔, 好慘o架

今日全家齊人, 安安樂樂, 悠遊行晒城門河兩岸

好滿足又在城門河玩左差不多 6 個鐘
城門河, 你雖然只係簡單的一段石磚路, 無左你, 我地在雨後都唔知有邊度可以去玩
Thank You , I love You