130608西灣洛樂泳

上星期見天文台預告, 今星期六細媽短週會有係陰天加雨, 都好想打破呢個邪局
呢幾日都好天, 又可以出來玩, 唔駛又行城門河咁悶



慣常一連兩日假, 必定安排星期日先去游水, 但早前兩次在星期日, 都遇到三隻大洛威拿, 對我好有威脅性, 所以改今日游水, 一定碰佢地唔到

天文台話今日天氣酷熱, 局部地區性有驟雨, 我都想灑點點雨降溫

途中見到一條約一吹長的蛇BB誤墮渠道, 上唔到來, 媽咪怕佢俾人發現會有危險, 又唔可以用手捉, 於是用毛巾協助佢爬離水渠, 小朋友, 你返深山, 唔好亂再走出來呀, 世途險惡呀 

來到大浪西灣, 今日係舊曆初一, 潮汐漲退幅度相距大....

遠遠見一隻怕羞黑狗, 佢一見我地就都 dou 晒走入河源頭, 你地見到一點黑咪係佢o羅

諗住無左三隻洛威拿, 仲想行去崖壁邊沙灘玩, 但沙灘每年都會變化, 今年河道位又改了, 潮漲令河口水位高了, 河面又寬, 睇唔透河中間水深有多高, 全家又唔想涉水冒險, 一於改去返副灣睇下環境

今日副灣對出的碎石被海水掩蓋....

但行埋入四疊潭河口, 水比上星期深好多, 如果大細媽行落水, 一定到大腿位, 好易濕晒全身....

我又無所謂, 有沙灘跑, 有沙掘, 暑氣全消

行入河近橋位, 水流唔太暢順, 慢水流令水質有些微泡沫, 行出副灘, 浪又高了點, 惟有返回正灘玩

回正灘, 見到叻叻已經落到沙灘, 我地都估佢一定來玩水

我今日俾大細媽讚我, 因為有點浪, 我都敢游出去


魔鬼細媽又唔放過我, 要我操練, 其實佢都想我有全身運動, 身體會更好

叻叻, 唔落水都跑沙灘啦

我地一齊落水

細媽都好享受玩 水樂o架

因為叻媽剛到時, 佢見有兩隻黑狗行了出來在沙灘浸水, 於是當我同細媽玩水暢泳, 媽咪帶埋避震丸入河口, 睇下係咪兩隻目標狗媽, 但只見一隻棕色狗地在對岸瞓覺, 叫極都無狗回應...

叻叻 : 咦, 媽咪拎左背囊, 就係夠鐘走....


叻叻 : 洛洛, 我走先, 下次再一齊玩

叻叻 : 媽咪, 係咪搭出面架遊艇走呀

叻媽 : 唔係, 我沖下腳D沙, 架遊艇咁離, 點上呢

我地可以游出去喎

算啦, 太遠了, 我都係同媽咪行返出去

叻叻走左, 媽咪又再試入河口位搵目標, 我就留低繼續玩....

媽咪出返來, 好失望, 係有兩隻黑狗同一隻棕色狗, 但係是狗仔, 其中一隻就係剛才見的怕羞狗, 媽咪認得係上年暑假見過又追過我的狗地, 見潮水退水位低, 想行埋佢地身邊俾排包佢地食, 點知三隻狗以為媽咪想衝入佢地地盤, 即撲出來吠媽咪, 媽咪當刻都有點怕, 即時將排包當飛鏢, 表演飛排包絕技, 飛飛飛
狗地即是中伏, 乖乖地食包包

當媽咪回來匯合我地, 剛才怕羞的黑狗仔行來, 好似想找媽咪, 媽咪見佢乖, 遞上包包, 佢食完都後就行開了....

我地走前, 都有去副灣再望, 兩隻狗媽都無影蹤, 但好彩係大浪西灣, 狗仔多過狗女, 希望唔好再多生流浪狗, 佢地要周圍覓食, 風吹雨打, 雖然話係天生天養, 大細媽都唔想佢地食不飽啦....

今日玩了半天, 都要回家了...途中有點點雨灑...
坐車返到家附近就即落場大雨, 原來我地頭頂中驟雨彩, 仲要係玩完了落, Good Luck
明天週日, 一定唔會又游水, 究竟諗到去邊未呢