咸蛋超人

呢幾年, 婆婆陪我地走過一個高峰又一個高峰, 以佢芳齡快到74, 都應該係長者超人

大細媽好早已經察覺, 婆婆睇野有點問題, 問佢又話睇得好清楚, 呢位老頑固, 想帶佢去睇醫生, 一定難過登鳳凰山

所以我地行山, 都唔會急, 等佢一步一步慢慢行, 以免佢跌倒就弊傢伙
但好多野, 不認不認還須應認

前一個星期六行大刀刃, 大細媽邊行邊講紫外線指數, 又講下全視線, 婆婆搭口話佢近排睇雜誌, 細字睇唔清, 當日即帶佢去眼鏡舖電腦驗眼, 視光師即時話婆婆應該有白內障同散光, 要快點去找眼科醫生驗清楚..

剛好大姨媽星期一(25/2)休息, 預約了下午睇症

一驗下, 一隻得兩成視力, 另一隻餘一成視力, 仲各有三百多度散光, 醫生都讚話婆婆, 呢位香港人好勁呀

快刀斬亂麻, 今午雙眼做白內障手術, 媽咪以為婆婆由手術室出外, 會變身成咸蛋超人

醫生表示手術過程順利, 手術後亦無需戴眼罩, 休息一陣就可以回家

明天同一星期後都要覆診, 準時滴眼藥水, 晚間變咸蛋超人先可以上床瞓覺豬

只要好好護理同休息, 我地相信婆婆可以在一個月後, 完全康復, 再陪我地走遍香港每個山頭