2013年3月3日

130303突改半走元荃古道

雖然昨日腰斬行程, 但為保婆婆休戰一個月前, 免生枝節, 今日都係預左行半日簡單行程 
細媽話近排都係由深井公立學校果邊上, 今次就由清快塘新村果度上, 有返D新鮮感喎


頭段入村, 細媽一定抱我過, 一到石屎小徑, 就係我自由時刻, 今日都幾凍, 我凍到唔太識笑...




吊鐘花期已過很久, 今日仲零星見到三數棵開花, 但都幾凋零....



上斜路, 按正會全身發力發熱, 但時有冷風吹來, 全家都無除外套....



細媽, 我想上去山坡睇下呀



幾年前同大姨媽上過來一次睇青島大橋, 我記得o架, 只係細媽每次都話唔專登兜上去, 佢今日竟然任我, 陪埋我上來



細媽 : 見係近你生日周, 就你一次咋 


本來想望多幾眼喜香農莊, 點知白宮宮主發現我, 吠爆我, 惟有快步行過啦



前面的楓香已經生出青綠楓葉....


又要等年尾秋季, 先再見紅葉楓香了....



接上大欖清快塘段車路, 即元荃古道C6112, 細媽話今日兜遠少少, 唔好咁早落返去深井村, 於是我地沿車路, 諗住行去田夫仔



大欖涌一帶都好乾爽, 因為呢幾日D雨都無落o係呢帶, 如果我地昨日行西邊一帶, 應該唔會出現腰斬行程事件







天陰陰, 清涼涼, 快步步, 真爽爽


running

媽咪話我到現在都未見笑容


其實笑在心中, 唔表現出來之o麻










今日都見幾多人來呢帶遠足, 佢地見媽咪同我影相時, 都識企定定, 讚我好叻


僅係, 我有成快 7 年行山同模特兒經驗, 經驗累積而來, 識點配合媽咪將我與景合一, 唔講得笑


當然仲有兩位幕後場務員通力合作





到C6108, 大細媽又再要我揀, 想行去深井定係行去荃灣柴灣角, 最後全家開臨時大會, 揀去荃灣


女人就係咁善變, 就係因為呢帶太多路, 左轉右兜都得, 只要認清路, 都唔會盪失路



目的地就由深井變了荃灣....






行行下, 細媽又話想拖長行程....


即係點呢


細媽話想行去蓮花山



成幾年無入來蓮花山荒廢的公立學校了....


我識行石級, 但唔識行上滑梯o架


媽咪傻o架, 以為我四隻腳仔有吸盤會企實, 最後我咪留後跣落來, 話明係滑梯呀, 白痴媽咪




現場睇, 呢舊石勁似隻海狗o架....



我地行左一陣就回頭, 因為如果去荃錦坳, 有排先有車走人, 交通太不便了....



接返去元荃古道, 呢度空曠, 又好好風, 好凍呀







到古道官方起步點, 行多一小段就經村屋...



經過上次經驗, 為免又俾村狗見我撲上身, 細媽決定我入袋內避過佢地目光....


今次無村狗發現我而走來八卦, 策略成功, 以後都係咁安排


下星期六起, 婆婆暫休戰, 媽咪話無婆婆, 可能會選擇行一些新鮮路, 但都要睇下而行o既



3 則留言:

  1. 婆婆仲咩要休一個月呀 ??
    [版主回覆03/07/2013 17:17:18]因為要變咸蛋超人

    回覆刪除
  2. 無帶帽o既洛洛,個樣好唔同
    [版主回覆03/07/2013 17:17:13]細媽 : 我地都睇唔順眼

    回覆刪除
  3. ★珍妮 & 毛毛★2013年3月11日 下午5:08:00

    洛洛擔心婆婆, 所以笑唔出呀
    [版主回覆03/12/2013 12:56:46]係凍凍呀

    回覆刪除