130329五時花~六時變

今日係假期第一日, 預告話下午會落大雨, 細媽見起身仲算好, 諗住去城門河畔行下單車路, 於是簡單拎點水就行, 當我地坐車無耐, 媽咪見天上雲層高, 又想變卦, 於是嗱嗱臨全家落車, 又轉車入深井



無預備水唔緊要, 咪在7 仔買樽裝水, 反正預落回深井食午飯, 無預食物都無問題



似乎轉軚係無錯

到喜香農莊, 白宮宮主走左出來玩, 而上星期見到的兩個小BB又大了一碼

有瓦遮頭, 有野食的小孩真幸福

所以我都係幸福一員

媽咪怕中途大雨, 今次決定轉左去青龍頭轉落去深井...

我無所謂, 媽咪, 你決定啦....

知唔知點解要轉太陽帽, 唔係我貪靚

係有人失職

靜雞雞話你地知, 係有人將頂兔仔帽綁帶整錯位, 成日甩開, 惟有變頂後備帽o羅



換左另一頂, 快跑都唔甩

媽咪話今日唔行泥路, 但細媽話見行去深井又好似太短, 又想去下大欖涌水塘呀.....

女人真多心, 成日改.....

都話見步行步呀.....

行快兩步, 睇天再定....



咦, 雲層仲係高, 應該無咁快落雨, 起碼決定來大欖郊野公園, 都算決定英明....

來到呢個位, 有指示落大欖涌水塘, 全家無試過行, 但係泥路, 心大心細時, 媽咪話半個鐘, 應該唔會滑死, 一於試下

好勇咁, 我地又改變目的地

都可以接受喎....

終於四腳濕晒.....

但條路都好靚, 無揀錯....

原來會駁返圓墩郊遊徑, 我地認得條路, 細媽認得佢自己帶我同婆婆由水塘行上來就係匯合此路

再繼續行埋落水塘....

路滑, 要小心翼翼行....



又有另一個分岔位去圓墩, 指示清楚, 一定唔怕迷路....

出返水塘道.....



枯葉掉在地上.....

壓成特別地紋, 很美....

仲可以變卦上返去深井, 但細媽今次無改變卦, 佢話好耐無行水塘大霸...

雖然天陰霧濃, 但仲未似有落雨現象...

第一日, 特別精神, 我仲未攰

媽咪 : 黃家洛, 又玩轉地

轉完爽晒

媽咪, 你都知我最鍾意係乜, 放開d啦

好耐無過大霸, 今日揀由男子監獄果邊落....

到大欖監獄時, 細媽怕有車來往, 又見我行左咁耐, 都係叫我上返私家車

本來行單車路, 臨時變左話行半日深井, 轉頭又改玩去大欖涌水塘, 無預野食, 三位女子都得喇

本來佢地諗住返屋企商場食野, 去到荃灣又話食左先....

我由眼仔又圓又大, 變左杏眼攰豬, 都對佢地無咁好氣, 都係入袋休息