130310大潭水塘探新路

細媽話昨日行左咁多路, 今日批准媽咪 8 點起身, 再行下東區自然步道, 然後返家做家務同煮飯



昨晚我攰到無玩拋波波, 瞓左一晚, 體力回復返好多

起步無耐, 我就不停周圍跑

話咁快落到大潭水塘, 我想知對面條橋係去邊, 媽咪話雖然無帶地圖, 但佢腦袋有谷谷map, 記得係有路喎, 佢話試下行啦, 最多行返轉頭囉

o拿, 媽咪, 係你話帶路, 我無話一定要行o架, 衰左唔好賴我呀

一路係咁沿引水道行.....

媽咪話記得應該接返紫羅蘭山徑

不停經過好多溪流....


途中遇見兩位行山伯伯, 媽咪問佢地係咪由另一邊行來, 原來佢地又係八卦想知去邊, 但行極都係引水道, 於是折返回頭

媽咪知有引水道, 又整得咁好, 而且間中迎面有人來, 唔怕喎

到引水道盡頭, 有大個牌寫上"大潭西引水道", 而且我地見水塘一直在左邊, 應該無錯

離開引水道, 接入泥徑....

見到大潭中水塘喇

條路一D都唔難, 一直都係平坦小徑, 等婆婆眼睛好返, 我要帶佢行下

媽咪個腦袋谷谷map真係無記錯, 真係接返呢個位, 呢度係紫羅蘭山徑同衛奕信徑第一段分岔位, 直上去係上紫羅蘭山頂, 我身後就可沿紫羅蘭山徑去黃泥涌水塘 

經過一輪商量, 我地決定行去大潭篤水塘, 於是直落下淺水灣坳

到淺水灣坳, 又係有幾條線行, 一係上山逆行衛奕信一段, 或繼續按紫羅蘭山徑去赤柱, 又可以似我地咁落水塘

我地經過紫崗橋, 轉左開始下水塘....

頭段都唔係平路來....

條路好似俾水沖刷到咁怪, 凹凸不平, 但婆婆一定應該到

又係要過溪流....

呢段路, 頭一小段凹凸不平, 但大部係都係平坦小徑同鋪了一些石板, 只係間中有些石頭突出, 媽咪就係掛住望相機, 唔踏一舊石頭, 險些PK

呢條橋都幾得意....

在橋上, 可以望到水塘美景

企在橋底, 又另一番感覺, 當然有雨有水流就唔可以企啦, 否則一定沖入水塘

雖然話絕大部分平路, 但都有經過幾個斜坡位, 一定要拖婆婆行過o架

仲有由引水道開始, 大部份路都有樹蔭, 開揚位唔太多, 唔怕曬親

見到水霸喇

我記得來過呢度....

亦在此影過相

在霸底下, 如果水滿溢瀉下, 都應該幾驚驚

快接返水塘道, 有路標指示往淺水灣凹方向

難得天朗氣清, 呢D日子, 一年數埋都係得好少日子咋

今日幾開心, 發現新路, 但細媽原本想行步道落返英皇道食午餐, 無預備野食....

我就好彩, 一定沿途有雞肉湯, 但媽咪就一路肚餓, 仲餓到胃痛, 猛咁同細媽投訴

鬼叫呢兩位女子, 成日行山都會中途變卦咩, 我幫地佢地唔到

到閘口位, 我乖乖入袋休息, 因為佢地要出返市區搵食醫肚後, 先可以返屋企

條路唔長, 又舒服, 媽咪已經記錄在案, 成為我地日後短途路線之一