2013年3月2日

130302無算天

婆婆要準備休戰一個月, 臨休戰前, 一於行返一段長少少路, 再去姐姐度食個豐富午餐
天氣預告, 知道今日會有冷鋒到來, 可能有一陣雨, 諗住行大浪西遠足徑, 全程石屎路, 毛毛雨都相信無問題



地面濕, 都尚可



行左10分鐘, 四腳仔同肚仔都濕了...


望遠都係雲霧....


似有毛毛細糸雨, 唔影太多相, 專心行...


行了廿多分鐘, 雨似越來越密....


到了赤徑村, 毛毛雨已經變大雨, 望上大浪坳, 大雲雨剛好在此, 唔可能向大雨方向行o架, 加上婆婆著少了衫出來, 同無可能細媽全程抱我, 惟有腰斬今日行程
都要怪媽咪, 心無旁騖, 一心諗住行大浪西, 無算下天, 無細想天氣, 其實東北季候風來, 撞到東邊濕氣, 一定會大雨, 太失策


頭班船要 10:20am 先到, 時間尚早, 就算慢慢行去到碼頭, 都係要等半個鐘....


我雖然未行夠, 但我半身濕了, 變了震震狗, 細媽用佢件外套抱緊我行, 到碼頭呆等半個鐘, 怕全家都凍親.....


好彩到碼頭, 雨似乎想停了, 婆婆話不如行返上北潭坳, 起碼郁住就唔凍....


毛毛雨下, 我又可以行下....







濕到咁, 腰斬折返係就明智


我好想行出去紅樹林玩, 但媽咪話泥濘地, 下次先呀


其實我地今日都見好多人, 不畏大雨, 有些連雨具同防雨外套都無, 照樣行遠足徑o架



但我地老弱殘兵一條狗四口組, 唔會冒險, 安全至上為原則



出返北潭路, 等了唔太耐, 就有的士, 飛快都姐姐度, 姐姐剛開舖無耐, 老闆都未返


但我今日都玩唔夠, 而且又凍, 無晒心機



婆婆今日都無凍親, 好彩咋



細媽緊抱我等我取暖, 再食埋青瓜沙律, 我唔再飢寒交迫了


食完午餐都未夠 1 點, 呢三名女子話時間咁早, 市中心都無乜雨, 不如周圍巡下....


我當然唔可以落地, 細媽抱得我都算幾舒服, 就由得佢地啦



好無奈的一日, 明天都有一兩陣雨, 媽咪決定向西移, 應該唔會又邪卦




1 則留言:

  1. 冷親婆婆同洛洛就慘喇
    [版主回覆03/07/2013 17:06:19]所以我地從來唔請強, 安全為原則

    回覆刪除