130317偏向東邊行

婆婆腳跟爆拆唔想出動住, 今日都係得我地三母子, 原來媽咪想行大浪西遠足徑, 但佢同細媽都攰, 就考慮行半日
其實今日起, 有股海洋潮濕氣流影響, 去東邊或上高處都可能遇到勁濕或有雨, 但媽咪真係好想去西貢行, 所以我地一於由西灣亭出發, 逆行麥徑二段



天暗又多霧, 會唔會又似兩星期前咁中途腰斬呢

唔諗咁多, 一於行左先算...

煙霧迷離, 能見度低...

快快腳又到吹筒坳, 食個早餐, 補充體力又起行...

西灣都望唔清呢...

全段都係泥路, 唔好落雨呀...

等我又揀個好位置

影張靚仔先

天氣尚可....

在途中, 回望水塘, 只係勾出少少塘影咋...

行行下, 突然有雨點, 仲越來越大, 我地已經在途中, 惟有繼續前進, 幾驚似上次咁落到要腰斬

露水幾大粒, 証明濕度都幾高....


華南忍冬


幸好雨灑了一陣又停了...


羅漢松開花, 第一次見...

春天太多花開, 目不暇給

雖然唔知名字, 但將花兒影低, 等媽咪有時間慢慢查

到觀景台, 根本都望唔到四灣, 惟有繼續向前...

到西灣山喇...


在涼亭, 又來雨點, 好彩都唔密...

望唔到海域o架...

咦, 有朋友仔來....

好面善喎....

朋友仔 : 我媽咪話認得你, 有次我地行山見過, 你上次戴黃色太陽帽

仲有腸腸都一齊行山, 佢地都好勁


朋友仔 : 我地約定, 我地下次又在山頭再遇

我地繼續落去浪茄....

媽咪都想試下行去浪茄仔, 但佢知係行崎嶇山路, 又係想下先


又雨點, 唔係卦, 好彩快行完o者

落到浪茄, 我又可以跑沙灘

邊度起步跑好呢

跑夠了, 媽咪話夠鐘走人...

行半日剛剛好, 媽咪冒著落雨危機, 堅持向東行西貢, 因為想去姐姐度食午飯


點知去到姐姐度, 原來姐姐上星期開始已經辭職, 平時係姐姐整多份青瓜沙律俾我, 雖然老闆同老闆娘都鍚狗狗, 但佢地唔知我鍾意食青瓜沙律o架, 媽咪又唔好意思講係姐姐咁安排, 惟有我以為食大細媽果份啦