121229愛的抱抱在東大古道

又一連兩日假, 媽咪昨晚諗左 Plan A & Plan B, 最後決定由大澳出發行東大古道, 咁個身唔會太污糟, 可以玩埋聽日先洗白白喎...
我地 8:40am就到大澳, 都仲未有行山人士....



其實條古道叫東大古道定東澳古道呢
我地行大澳出發, 唔係叫大東古道咩
媽咪 : 大東山就有, 邊有大東古道o架

由大澳市中心起步, 因為有村民有村狗有砵砵車, 細媽必定抱我行一段....


到寶珠潭, 過晒棚屋, 我就正式今日行程, 今次係我第5次行呢條古道....

我地在東涌時, 見有藍天破厚雲而出, 唔知會唔會慢慢變晴天呢....


太早起身, 我仲未瞓醒啊....

行了一小段, 熱身左, 精神晒了....

無陽光, 唔緊要, 陰天行山都OK...

但總感覺間中有點雨粉飄在面上...


遍地紅葉呀.....我地應該明年初去賞紅葉喎....

天仲係暗暗.....

點都唔可以影到碧綠樹葉....

遠遠見藍天, 晴天在望


行晒泥路, 踏入石屎小徑了....

我盡情行, 盡情走....

噢, 又有雨粉飄飄.....

來到水管路, 即係快到深屈灣....

到深屈村都係 10:50am, 我地帶左午餐, 唔打算留在深屈村食公仔麵呀...


暫時天氣都算暖, 好似話今晚冷峰吹到....

準備步入深屈村, 見到一支電纜杆, 包左滑中有刺的保護罩, 防乜o架 ???????


鐵樹開花, 富貴榮華....

有點風, 似有點涼意.....


上完大斜又落斜, 迎面好多由東涌行來的遊人....


仲以為會有陽光....

但風越來越大, 我都笑唔出了....

一於快步熱身取暖....

咦, 天氣有點變化....

都係行快快先.....

當未到 12 點, 我地去到沙螺灣新村, 雨開始密, 細媽怕我俾雨滴濕身著涼, 諗住抱我行一段, 直至雨停....


雨並無細下來, 仲越來越密, 我好無奈o羅.....

當一點行到(石散)頭村, 細媽抱左我成個鐘, 我地在有蓋大灶頭小休, 食下帶來的布甸.....


以為會停雨或著會細雨返, 但仲要越落越大, 唔似會停, 等到幾時呢....
惟有細媽抱我繼續行程, 途中我入返袋袋休息.....

14:10pm抵達逸東村, 雨才慢慢停下, 我地行上天橋, 等我鬆弛手腳.....

仲有微雨, 而且快到消防局, 我更唔可以行落地, 今日我只係行左三個鐘咋, 而細媽就抱我行埋餘下的兩個多鐘行程....
我都未放足電, 睇下我幾悶爆
但有愛的抱抱, 其實我都知我浸泡在愛中