121209幸福天梯 - 港島徑第五段

今早又坐車過海喇, 咁好天, 僅係無又中途要轉場落車啦
早排播完"天梯"後, 媽咪又睇埋報紙, 心又再癢癢



佢好耐之前已經想行港島徑第五段, 但上網睇資料, 郊野樂行話呢後係三粒星 : 極費力之山徑 
睇其他網站又係咁講, 咁多年都唔敢帶婆婆行, 今日呃佢話行新路, 無講咁多野


當到達起點, 媽咪先同婆婆講, 今日條路唔長, 只係多石級又上又落, 我地慢慢 hea 行...

一起步....

就係無盡似的石級, 我地先上渣甸山...

上了一小段, 就見一牌匾...


原來係紀念一位加拿大軍人在日軍進攻香港, 自我犧牲的英勇事跡..




石級不斷, 但連婆婆都唔覺難行...

很難得藍天, 又唔凍...

仲可以望好遠, 好適合行山...

而且滿山又開滿白茶花, 好靚呀...

可以太耐無見咁晴朗天, 媽咪行一小段又話要影相....

見到大石又話要影....


換另一方向又影....

仲要婆婆又影, 影相都影左好時間....


到433米高的渣甸山山頂啦...

居高臨下....

望返九龍觀塘油塘一帶, 可望遠些的將軍澳....


原來仲可以望到葵涌添....

上完第一個高位, 要落山了....


畢拿山石礦場, 左邊一條路係接金督馳馬徑, 我地幾年前行過, 可以行返去柏架山道o架....

望落去, 又唔覺個石礦場仲有生產石礦, 究竟荒廢未呢 ?

落山啦, 婆婆一步一步行呀.....

其實行山, 最開心係欣賞四周風景, 所以我地一直都係慢慢行, 除左要就婆婆, 也是令眼睛同身心舒展....

石級開始陡斜, 但點都唔及麥徑好多路段咁難行, 起碼呢度全是整成石級...

路邊石坡咋.....


問婆婆辛唔辛苦, 婆婆都話唔係咁難o者

我身後係大潭水塘, 今日唔會行果邊了....

我地一陣會沿石礦場右邊石級上山.....


落到了引水道, 又係開始向上爬....

沿礦場邊都有鐵絲網圍住, 我以為可以由身後的空位入去八卦, 點知媽咪叫停我...


佢地話危險, 唔入得喎...

真係仲有爆炸工程




一路行一路望....

呢段上山石級, 比前一段難了一點....


慢慢行就得, 都係攀登二百多米咋....

我行先喇....

來到呢個被封石洞, 我又發揮八卦本色, 大細媽叫我唔好入都唔聽, 自己捐左入去八, 但行入點, 內裡漆黑一遍, 我都即時回頭....

起步頭段亦係衛奕信徑第二段, 到呢度就分開....

向左行就繼續衛奕信徑....


我地就當然向港島徑大風坳方向行啦.....

又另一小段落山路, 山頭兩旁茶樹開滿花....

見到柏架山道喇....

起步一直都好乾爽, 想唔到呢段因樹密而陰暗及濕潤...

到436米的畢拿山頂峰....

只有  1/4 公里就到大風坳...


我地沿 599級幸福天梯落大風坳...

好快就見涼亭....

都唔明何解係極難行山徑, 相比起我地以前行的獅子山, 八仙嶺, 船灣環湖, 大刀刃或鳳凰山, 呢度真係 easy job 


婆婆全程都無話辛苦, 仲話只係行石級, 唔係難....

媽咪因上網見資料而卻步多年, 佢自己都笑自己

朋友仔, 我唔得閒同你玩....


我耍去食午餐呀.....


媽咪今日在灣仔飽飽店買左個聖誕布甸, 佢地上年食過, 用料十足, 翻尋味呀....

但有油呢, 唔o岩我食添....


大休後, 我地落山啦....

雖然話唔難行, 但又上又落石級,對我來講都幾攰...

就快到達英皇道時, 細媽見我眼仔有倦意, 就叫我上私家車休息
今日全家好開心, 但下星期好似話有一股潮濕海洋氣流吹來, 咪又濕又雨, 咁點算呀