121226甲龍林徑

今日 Boxing Day, 天氣和暖乾燥, 我地就另類行下新路線, 一於行甲龍林徑啦



全條徑都係往下岥行, 入口在管理站巴士站行前少少就見, 只係得 4.5 公里, 剛好適合半天慢行....


同甲龍古道都係同一入口, 我地 07 年 11月4日經甲龍古道同雷公田行去河背, 今日就揀另一邊走, 好多年未有我時, 大姨媽帶過媽咪佢地行過林徑, 事隔多年, 已經忘記條路係點....

今日有我同行, 影低同記錄資料, 下次就可以按資料計劃行程....


呢頂聖誕帽已經整左一年多, 今日第一次戴來行山....

頭段少少石級落, 無難度....


石砌古道在乾燥季節行, 幾好o架, 但一潮濕, 就唔好揀呢度, 因為生滿青苔....

林徑同古道分界位, 路標清晰, 林徑與越野單車徑有少部份重疊, 要留意來往越野單車呀....


甲龍林徑標誌...

全段都在林徑下行.....

所以每張相都好似差不多, 其實現場景色好靚....

因為部份位會有點陡峭, 婆婆手持行山杖就安心好多...

又到分界位, 林徑同單車徑又分道揚鑣.....


由此點起, 按正應該係嚴禁單車進入.....

有警告話裝設24小時攝影監察系統, 監察單車進入林徑, 但大細媽周圍望, 一條電線同金屬柱都搵唔到, 細媽話可能係衛星或蜘蛛監察喎


又俾細媽催促, 要行了....

林徑有梅花椿攔擋單車.....


早前颱風, 甲龍林徑亦係災區之一, 好多大樹吹倒....

咁熟構圖ge

原來係梅花椿, 怪不得啦, 但泥徑見有單車痕跡, D人拎起單車就過到, 真係要靠單車人士自律....

一路平緩路....

間中有斜岥級位....


有木板間成泥級, 都好簡單路....

當然間中又見旁邊倒塌大樹啦....

無上斜, 落岥岥幅又細....

好好走....


加上在林中穿梭, 好適合秋高氣爽時行....

呢D就係全段所謂最難行的, 陡峭山坡位, 媽咪想起當年係無木板圍ga....

現在只要唔潮濕路滑, 已經好易行....


細媽成日招惹蟲蟲上身, 今日又有喇.....


我幫佢唔到, 因為我好專心行山....

一路咁O既路....


到盡頭就係終點, 我企係度的係木船, 當年防泥塌同防滑, 今日已經在旁邊鋪上石屎石級...


見到引水道....

我地 9:23am起步, 11:32am 已經行完, 我地係慢行, 如果快, 相信一個多小時就行完....

林徑終點對住就係78號牛奶公司.....


婆婆入去一見羊咩就好開心...


媽咪花了兩蚊, 買左一紮草俾婆婆餵羊.....

兩下就食完....

除左羊咩, 仲有大烏龜....


佢地坐低食下馳名薑汁撞奶同小食醫下肚.....

我地就沿引水道出返林錦公路.....

今日天涼, 我唔敢張口笑怕失暖, 玩左兩日, 好攰呀....


而且又有汽車來往, 細媽抱返我行埋出去大路坐車走....

當我地出到元朗, 時間仲早, 就相約埋 Dr. B一齊食午餐, 我無理佢地呀, 事關我已經在袋內大昏迷