121216上窰郊遊徑+家樂徑打孖行

昨日行左十幾公里, 大舅父又約了婆婆食晚餐, 婆婆於是留家休息兼等大舅父電話, 而我就同大細媽玩半日



經過昨日長途, 今日來過半天 Hea 行, 媽咪話簡單D, 來元五墳前的水霸起步, 行上窰郊遊徑同上窰家樂徑

上了的士, 我地直接來到郊遊徑終點, 即係未到西霸前的一個霸位同涼亭


呢度影水塘特別靚....

無婆婆同行, 我地一定可以在官方時間完成....

又話間中有陽光, 唔似喎....


好彩有樹蔭, 仲未太熱....

媽咪係度坐下, 飲D湯, 食下雞, 好嗎

今日地球之友有行山活動, 我地比佢地早行, 相信可以避開人潮...

次次, 我地在曝罟灣營地小休, 今日飲完水即走....

經過小溪流, 細媽話D水流弱了, 積了好多苔蘚, 叫我唔好落水玩, 我好乖, 唔落咪唔落o羅....

行到峽谷另一邊....


又望到曝罟灣堤圍, 媽咪又心思思想去, 細媽話算把啦, 於是媽咪念頭就被一刀切了...

原來生果日報今日又係介紹呢帶, 當然有介紹埋曝罟灣堤圍, 但就無影由起子灣村行20分鐘密林落去的一段路....


唔去, 對我無損失, 係媽咪單方向想之o麻...

都唔明, 仲未有厚雲, 又話只係間中有陽光...

幸好多樹蔭, 行落唔辛苦....

到郊遊徑起點, 我地有停留小休同影相, 都可以在官方時間完成, 上次同婆婆行, 多左成一個鐘


預左行家樂徑, 媽咪堅持落回起點起步, 但時間尚早, 我地去埋起子灣打個轉都得...

來到起子灣, 必定去埋石砌橋....


經過前幾年中秋的血染起子灣, 每次大細媽一定抱我出去橋盡頭...

我職責係擺靚靚開心 pose就夠...

當然加埋笑面....

然後上返私家車送回石屎小徑....


今日唔行去小碼頭, 又唔會上去曝罟灣, 我地在村口小休就回頭....

媽咪見到荒廢村屋, 又想起佢同事的靈異事件

我地入起子灣沿途, 都見有螢幕棒被遺棄路旁, 有些仲係俾膠紙黐在小徑邊, 一定早排有人玩晚間活動, 之後拍pat pat 走人, 唔清理返, 真係無公德心, 因為螢火棒內的液體有毒, 會污染郊野, 媽咪回頭一一執起, 放回垃圾桶....


呵呵, 又行另一條徑, 今次路程都好短, 只得 1.8公里, 唔駛一個鐘, 郊遊徑也是由此上起步點, 有齊路牌指示....

又上返郊遊徑起步點, 我地行家樂徑, 就僅係直上....


家樂徑一定比郊遊徑易行...

細媽話記得以前行過, 但媽咪全無印象...

兩個女子一路行, 一路喋喋不休, 我就享受我的行山樂...


都唔明咁熱, 媽咪睇下天氣, 原來成 27度, 怪不得....

如果無樹蔭就慘....

樹蔭內穿梭, 感覺好舒適...

當然間中都會開揚, 咪行快步o羅....


聽到車聲啦, 即係快到大網仔路...

唔駛 45 分鐘就行完, 我地要行返去北潭涌坐車出返去市中心, 食完午餐再回家...


回家後, 媽咪睇返網上相簿, 原來我地08年2月8日, 真係行過上窰家樂徑, 由復興橋入北潭涌自然教育徑, 又係先出起子灣石砌橋折返, 再上家樂徑...
雖然果次無寫 blog, 但有影相同放上網上相簿, 當媽咪老人痴呆發作, 又可以睇返回憶....
所以影相同放上網係唔可以缺少o架, 如果唔係, 點可以得閒睇下, 回憶開心片段呢