121215城門上草山下大埔滘

天氣變幻無常, 又話有幾陣雨變了多雲同間中有陽光, 呢D天氣, 行山一流
本來媽咪計劃了行新線, 但又身體狀態不佳, 都係行下方便路



昨晚預左繞城門水塘行, 途中加插上草山及鉛礦坳

今早幾好陽光, 藍天白雲, 又唔凍又唔熱.....

起步已好興奮....

好天先可以望到靚靚倒影....

今日我揀行緩跑徑......

緩跑徑雖然成 5.024公里, 但泥路特別好行....


我地每次來城門水塘, 都遇到呢位妹妹, 佢好怕羞同細膽, 之前佢見我就掉頭走, 佢爸媽要追返佢, 今日我地結伴行左好耐, 佢已經唔怕我...

妹妹一家逢周六日都來, 行到呢個休憩點就回程, 我地在此道別, 下次再見....


又起步喇....

頭頂已是一片厚雲, 行山更合適...

我地行完緩跑徑, 接回畔塘徑上草山...


一路上斜, 全家加油...

又要離開畔塘徑, 轉入草針段....

細媽, 上斜喎, 做乜反轉身行

細媽 : 反轉行上山, 練下小腿肌肉呀....

我真係唔會學細媽...

終於又連回麥理浩徑第七段...

又係不停上斜....


今日天陰, 同上次藍天影出來效果唔同...


早排芒草盛開, 但又成日唔好天, 無法前來欣賞, 又要等明年...

望吐露港一帶, 都係受濃霧罩住...


咁明天雲層一定更低...

我地在涼亭小休同食埋午餐, 又要行, 因為今日路程真係會好長...

來到車路盡頭, 當然要多行幾步...


上埋最高點先叫係上到草山....


又 647米, 達標了, 落山o魯...


大帽山真大霧, 我唔知會唔會有日攻上去...

上星期行過幸福天梯, 其實呢段都係o架....

呢條幸福天梯, 由 647 米急降成200米接返車路....

真係望唔到對面山頂...


又長征咁....

但我都會努力行埋全條路...

每級石級都唔同高度同闊度, 比上星期港島徑難好多....

好彩媽咪仲頂得緊, 主要係一家開心行山, 心情就好, 乜都唔覺有問題...


完成天梯段, 計計下, 我地都行成接近 12公里, 媽咪話如果行返去菠蘿霸, 要行成 6-7 公里, 去大埔滘都係 6公里, 易行D.....

最後婆婆拍板去大埔滘...

見到百足, 好驚呀, 但佢有佢, 我地有我地, 相安無事...


遍地黃秋, 倍感秋意....

入大埔滘自然護理區...

突然聽到吱吱聲, 原來一條蛇捉了一隻青蛙, 青蛙發出求救聲....


青蛙已快被蛇吞沒, 而且佢也被蛇毒入身體, 無法可救, 蛇也要搵食過冬, 呢D係大自然定律....
但有三個男人拿起石頭擲向條蛇, 最後蛇也死了, 媽咪好唔開心 

收拾不安心情, 繼續前進...

仲有兩公里完成行程....


攰都要行....

好難得全家福相...

計下今日, 由9:04am 第一張相, 到現在 16:18pm, 行左成差不多 18 公里, 真係好攰, 而且開始有車上落, 細媽抱我行埋剩下路程, 我要今晚好好休息, 否則明天無精神去玩