121222彌勒山郊遊徑+法門古道

又到聖誕, 又到聖誕
雖然今日天陰, 但回暖喎, 行山好舒服, 於是媽咪決定同我地行一條新路線 


我地 9 點就到左昂坪大佛.....


去邊呢, 我唔知喎

有得行行跑跑已好興奮.....

咦, 見到鳳凰山, 即唔係上鳳凰山啦.....


原來我地今日係行彌勒山郊遊徑....

全段徑長 5 公里, 官方時間 2 小時, 起步到終點都係在東山法門, 繞彌勒山山腰一圈, 唔算太難....


9:44am 起步喇, 與鳳凰徑重疊...

雖然話係繞山一圈, 都有大石級上落....


媽咪預備左行山杖, 婆婆就行得輕鬆多....

在此點, 可順時, 可逆時, 婆婆見順時係上石級, 逆時係平路, 佢以為逆時易行D, 其實行完佢就知....


我地僅係順時針行啦.....

上少少, 又見鳳凰山頂同左邊的羅漢塔...


一路不停上石級, 終於見平路...

又見大佛, 但明明係佛門清靜地, 卻又用揚聲器播梵音誦經, 震耳欲聾呀......

好彩終於停止播放, 我地可以聽聽鳥兒歌唱....

有上必有落....

咦, 見到吊車喎....

昂坪360棧道, 幾年前行過, 因為棧道木板隙縫闊, 唔適合我行, 媽咪無打算再去....

但郊遊徑會有一段同棧道同疊, 卻又在此與鳳凰徑分手....

好彩係石屎路, 無問題呢.....

呢段易行又舒服....

棧道每間一段小小距離就有一個編號....

呢個號碼有意思, 所以同佢合照o羅....

嘩, 會唔會要上吊車塔o架....


原來唔駛行上去, 就係呢個位, 同棧道分離....

接返泥徑, 會唔會又係不斷上大石級...

另邊風景同前一段唔同....


有碎石, 路都算平坦.....

如果好天, 就可以望到東涌一帶, 今日山下濛朧....

因為起步係多數不斷上石級, 現在就多數落石級....

媽咪佢地怕落石級, 所以我地會落行唔急....

噢, 離開石級, 入樹蔭徑.....

又另一種感覺....

乾爽日子行呢度好好, 潮濕時就 no way....

早前颱風襲港, 好多山徑都有山泥傾瀉, 包括彌勒山郊遊徑, 經清理已經開放返, 但仍見有傾泥痕跡....

又轉到望到鳳凰山一邊, 順時針行係先苦後甜, 所以睇大家想點....

已經轉左一圈, 落返去東山法門...

呵呵 12:44pm, 婆婆時間 3 小時......係度大休食午餐先.....


我地唔行返去坐車, 經法門古道落去東涌市中心都唔太耐....


開始計時...13:19pm....

我地行郊遊徑時都遇唔到其他人, 除左一位姐姐, 但媽咪估佢行棧道落山....

相比下, 法門古道比較多人, 上落都見....

我想行地塘仔郊遊徑, 但細媽話我傻, 唔俾呀....

行返正路o羅....

14:24pm到羅漢寺, 小休一陣, 去下廁所又繼續....


離開石門甲村....

15:10pm已經在東涌, 我地都行左玩左 6 個鐘, 行左都有 12-13 公里, 好足夠....
快快坐車回家休息, 又準備明天行程喇