121201梅子林城門河畔

又似初春的初冬, 幾星期都天陰陰, 昨日細媽問媽咪今日點安排, 媽咪話天曉得咩
咪又係瞓醒睇天o羅
細媽早起身, 一直在等, 見地面乾了, 又叫我同媽咪, 行山就唔得喇, 行下單車路都得o既



見無雨, 一於上埋去大水坑引水道先....

梅子林路全路都濕....

好彩係石屎路, 如果行山路, 就會變泥漿腳....


仲以為踏入 11 月秋涼, 可以周圍行山, 媽咪腦袋已經計劃好多地方, 都因為天氣無常, 都唔敢約人...

我就去邊都無所謂...


天陰陰, 幾好o架.....

唔怕熱傻, 只係有風吹, 唔敢張口笑之o麻...


每次來到呢個位, 我地就會回頭, 唔知媽咪會唔會搵次由此上鹿巢坳呢

熱左身, 我唔再凍, 終於都識笑....

今日遲了出門, 佢地話開始肚餓, 要快快落回大水坑食午餐喎....


我當然唔想佢地餓親, 步伐快了, 但都要婆婆配合我地步速先成事

午餐後, 我又轉左另一頂太陽帽, 細媽話當係星期日行程, 又當另一個網誌喎....


佢都傻o架, 今日還今日, 聽日都要去街, 唔可以呃人o架.....

由富安花園落去城門河畔, 整了一條小徑, 咁就方便人唔駛踏入草地..


又要行單車徑旁....

無雨落, 多了人踏單車, 細媽怕我亂咁走出單車徑, 惟有要我拖繩....


雖然厚雲比較高, 又見太陽間中破雲而出....

但行山都係唔安全, 媽咪見好多行山人士, 全褲腳同鞋都係泥, 咁聽日都唔可以行山呢....


唔通聽日又係行呢度....

咁我又唔介意o既, 有大細媽陪玩陪跑....


如果唔駛拖繩, 可以自由行會更好D.....

過了大涌橋路, 單車徑同行人路又要分間, 我又可以自由走動....


今早上梅子林時有點雨粉, 到現在都無雨....

出左來都 5 個多鐘....

好似都未覺行夠皮, 未放晒電, 但入冬快天黑, 都係要早D回家喇.....