121230凍凍的晴天

冷鋒昨晚 8 點左右開始抵香港, 加上昨日落左好耐雨, 全港絕大倍份地區有成 20毫米雨量, 細媽話負責今早睇天氣....
今早 6 點半左右, 我家地區得攝氏 7.6 度咋, 細媽在被窩繾綣, 7 點多見天色光亮, 即刻起身做點家務, 就叫我同媽咪起身...
媽咪唔願郁, 8 點起身時, 氣溫升至 8.2度, 都仲好凍呢....
婆婆怕凍唔願出街, 而且昨日大雨可能令泥地還濕, 我地就來深井行下啦....

121229愛的抱抱在東大古道

又一連兩日假, 媽咪昨晚諗左 Plan A & Plan B, 最後決定由大澳出發行東大古道, 咁個身唔會太污糟, 可以玩埋聽日先洗白白喎...
我地 8:40am就到大澳, 都仲未有行山人士....

121226甲龍林徑

今日 Boxing Day, 天氣和暖乾燥, 我地就另類行下新路線, 一於行甲龍林徑啦

聖誕樹大餐

每年聖誕節, 我一定有聖誕大餐, 早幾日前整的聖誕大糭當然唔算數, 呢D聖誕樹先o岩o架

121222彌勒山郊遊徑+法門古道

又到聖誕, 又到聖誕
雖然今日天陰, 但回暖喎, 行山好舒服, 於是媽咪決定同我地行一條新路線 

121223凍凍晴天行步道

一股冬季季候風昨日吹到香港, 今早起身, 屋企地區最低得攝氏10.5度, 起身時都係 11 度咋...
媽咪忙左成星期, 佢見我地昨日都有出去玩, 而且下星期二同三係聖誕節, 再加上佢好攰, 話簡單D, 去東區自然步道喎...

121222聖誕大糭

洛B: 唔知今年細媽整乜聖誕大餐俾我

細媽: 登登登登…出爐. 糭5隻. 足夠你食到boxing day喇

洛B: 唔係化, 你乜鄉下呀

細媽: 聖誕本來就係你鍾意食乜就食乜. 有乜所謂丫. 人地仲無得食添呀. 你已經算好好啦…………(喋喋不休)

洛B: 算啦, 你唔好再講. 我知好過乜都無o丫麻.

 

121222不要浪費好陽光

細媽將12月到下年3月的星期六請晒假, 但又輪到媽咪值班, 佢昨晚10點幾先返到屋企, 話今日又唔知幾點收工, 唔同我地出去玩半日
但一早起身, 嘩, 咁好陽光, 唔出街好浪費, 所以佢帶我同婆婆去獅子會玩

121221冬至

近排大細媽公司都好忙, 晚晚都好遲收工, 今日冬至呀, 婆婆都唔知佢地幾時返來, 都無安排過節
媽咪公司本來提早三點就落班o架, 佢都預左好夜先走, 好彩細媽快快手趕工, 5 點 9 就走得  
細媽話早走, 當然幫我買美食過冬
佢貪圓眼扒無肥油, 又有細薯, 菜心同南瓜, 呢個冬至大餐超級豐富呀
因為細媽掛住幫我碎石, 忘記影低我享受美食一刻

電視毒

大媽 : 原來D太監死左之後, 要續回個寶貝. 放埋入棺材, 咁來世先可以完完整整KA. 將來洛B去左彩虹橋. 咪唔完整囉.

細媽 : 咁放兩粒提子落去囉

大媽 : 點得呀!!

細媽 : 咁放車厘子. I like it.

大媽 : 唔得. 兩樣野都唔同嘅. 不如放雞子落去啦

細媽 : 佢雞年出世啫, 做乜放雞子. 我覺得都係放噹噹好D

洛B : 好囉喎. 你兩條女, 有無理過我感受o架.

121216上窰郊遊徑+家樂徑打孖行

昨日行左十幾公里, 大舅父又約了婆婆食晚餐, 婆婆於是留家休息兼等大舅父電話, 而我就同大細媽玩半日

121215城門上草山下大埔滘

天氣變幻無常, 又話有幾陣雨變了多雲同間中有陽光, 呢D天氣, 行山一流
本來媽咪計劃了行新線, 但又身體狀態不佳, 都係行下方便路

121209幸福天梯 - 港島徑第五段

今早又坐車過海喇, 咁好天, 僅係無又中途要轉場落車啦
早排播完"天梯"後, 媽咪又睇埋報紙, 心又再癢癢

121208臨時轉場

昨日天氣預告, 今日係一個大太陽, 大致天晴, 媽咪計劃左帶我地行一條新路
點知朝早又落雨, 行新路僅係唔得啦, 細媽睇電視, 知稍後天晴, 就俾媽咪多瞓一陣, 等地面乾爽點, 改去香港島行步道 
當我地上左車無耐, 又突然落雨, 望去對面港島竟然消失了
咁點好, 如果照上陽明山莊, 一定又凍又大風又濕, 媽咪怕我同婆婆凍同滑倒, 於是立刻改在土瓜灣落車, 去食個豐富早餐先算 
我當然繼續乖乖在袋等, 仲聽到佢地商量, 改返去行城門河畔一定無問題