回瞻 09

明天踏入2010年.........

俗話說 : 人老左, 時間就會過得快 , 唔通係真的

今年人與事, 對我來講, 有好極端分野........

家庭上, 還是老樣子, 一家四口, 假日四處遊, 一樂也, 希望婆婆及洛洛繼續身體健康, 等我同細媽可以陪佢地兩老嫩多行幾年遠足

工作上, 同事們終於明白我, 絕不懂搞, 也無任何野心在辦公室政治上, 只懂每天營營役役工作的純樸心, 同事間的愉快言談交往及相處, 令我開心渡過呢一年

另外, 金融風暴下, 航運業已經慢慢由谷底復甦, 雖然有很多公司捱不過此關而債台高築, 甚至於結業, 但我公司仍在經濟低迷下, 天公關照, 有唔錯利潤, 即是我唔怕因裁員而成失業者

堡壘內, 負責搞手的我, 曾經真心不計付出, 只為想擴大愛瑟一族版圖, 從未想過有何得著。卻是總有人表面讚同, 背後向他人埋怨, 甚至被認為太多事主動去做；無人可騰空去搞, 我抽空去做, 有罪嗎.....既然要所有人都要去迎合某些自稱低調的個人主義, 我惟有抽身而退；我並未有離堡而去, 只是在不知就裡下, 成為離棄一族, 希望其他人不要光看表面, 而去揣測及發表不是事實的謬誤   

友儕間, 傻戅戅的我, 真搞不懂是非曲直, 無賴成日話我, 咁多年來, 仍是得一顆單純心, 若周旋太多人中, 一定唔識耍出圓滑交際手腕........

還是保持返簡簡單單生活, 比較適合我, 朋友間, 維持君子之交, 相信友誼更長久

展望在 2010, 開心健康, 工作順利, 於願足矣