今日行程係去西貢上窰郊遊徑, 3.3公里, 預 1.25小時, 但起步點要先由復興橋入, 行左北潭涌自然教育徑先, 雖然只得一公里, 但官方預大家行埋上窰民俗文物館, 叫大家預行自然教育徑一小時喎
今次地圖
大家可以跑出文物館外的小碼頭吹吹風
自然徑盡頭, 有個地圖指示, 轉上入上窰家樂徑及郊遊徑的交接位
今日仲係好熱, 大家睇我條利仔, 應該領略到卦
曝罟灣內, 有個荒廢漁塘堤圍, 下次行入去參觀先
上年同大姨媽來時, 呢個位仲係斜石坡, 今次已經加建石級, 安全左好多
在另一方影的斜坡.
又熱, 又多碎石, 我跟實細媽腳邊比較安全.
行左好耐, 終於有小溪, 浸弄腳仔, 散熱唔怕變熱狗
呢個位, 上年來時有流水過ga.
今日見最多就係呢種蝴蝶ar.
曝罟灣營地, 但唔覺有人來por.
天氣仲有好多煙霞, 對岸滘西洲的高爾夫球場, 影唔到翠綠色ar
見到西霸, 即今日終點將到
話咁快完成今日行程, 婆婆厭路程太短, 但行麥徑第一段, 全程都係馬路, 今日又係星期日來往汽車好密, 我無自由行, 媽咪唔想再行ar
惟有在西霸影多幾張相先坐的士回西貢市中心啦
萬宜水庫有點似九寨溝的景色, 遲D再前來欣賞你
你地好叻呀!!! 天氣好熱要飲多d水喎
回覆刪除[版主回覆09/30/2008 12:55:00]會ga, 我拎多支水做後備淋身加用來飲ga
但加埋支大機行山, 就重屎人ar
洛洛成日郊遊,點樣先可以預防牛蜱.
回覆刪除[版主回覆09/30/2008 13:03:00]洛洛有滴頸同噴防蝨水, 但間中都會有一兩隻掃上身 lor. 上年尾都中左一隻有病毒牛B ar, 最後都醫返好. Vet都話除非你唔帶佢出街, 盡量唔去草地, 就有機會碰少d 牛B . 但我覺得即是要困佢在家, 斬腳趾, 避沙虫, 佢好可憐ga. 就算真有牛B上身, 佢無病毒, 狗仔都唔會有事. 命中注定生與死, 開懷d, 向好的一方想 lor
洛洛好似好鍾意玩水咁喎，次次見佢行山見到水都好似會飛撲落去咁，hehe....
回覆刪除[版主回覆09/30/2008 13:06:00]係ar, 自從洛洛在上次行大潭水塘, 佢自己發現水可降涼解溫, 之後每次行行下, 聽到有水流聲, 9秒9撲過去ar , 有時見水渠都行去望下有冇水ga
但係中秋過後都仲有三十幾度呀. 你地真係勁呀. 洛洛都好勁呀.
回覆刪除[版主回覆10/01/2008 19:32:00]想唔到當日有風吹ar, 你見洛洛 d 頭髮好亂就知啦
哇~! 你地真係行山專家~!
回覆刪除你好勁啊，咁快就行山！
回覆刪除