080831百花林至蠔涌驚險之旅

今日下午, 因為約左成班朋友仔去西貢碼頭玩, 我地慣左早起,

媽咪就在旅行家搵左條短路, 只係約一個半小時, 就係由百花林行去蠔涌 

起首坐的士直到飛鵝山莊18號, 沿飛鵝山道直上

慢慢行, 影下相, 好快見百花林, 有石碑指示落蠔涌約1.5小時,

又會經過孫中山母親之墓

在孫太夫人墓穴位, 可以飽覽全蠔涌景色

因為媽咪唔想打擾先人, 唔會影其墓地ga

一路行, 沿路盡是先人墓穴, 我好乖, 無四圍走同marking, 只循石路走, 接回百花林路, 好快又見接上西貢古道, 亦係部份上維奕信徑第4 段

直落都係石砌路, 但長滿青笞, 如果潮濕, 就唔適宜行

今日知下午見到May 姨姨, 專登帶佢送ge餅公仔頭飾

起初都行得好輕鬆自在

途過見一間正裝修大宅, 好有印度中東格局, 媽咪在此謀殺好多 KB, 狂影

我都好合作, 攏晒pose

落到維徑W035的涼亭, 我地就繼續跟旅行家的路線行, 本來媽咪起初都有D猶豫, 因為見涼亭旁個西貢古道入口, 生滿晒野草, 但明明話路線易行, 一於照行

一路行, 沿路都係俾風吹倒的樹及有刺野籐,

曾經想返轉頭, 但媽咪覺得前面唔會咁惡劣卦

但事實真係荊棘滿途, 野籐斷枝橫陳, 雜草蓋地, 原先在地上都有隱約石砌路, 最後竟然連少少可見的石砌路都沒落在雜草中 

我地惟有跟住疑似之前有人曾踏的亂草, 一步一步行, 終於聽到小溪流水聲,

因為古道係會接上小河

好艱辛先接近小河, 仍未見回明顯古道, 仍是雜草滿蓋, 刺籐遍滿, 大斷樹幹橫貫草中, 終於我地見有一間正裝修的大屋, 咪爬上屋外圍, 抓住鐵絲網爬行, 諗住一定搵到路

細媽好多時間都抱緊我, 又上又落又爬又跨, 好不辛苦, 結果終重回小溪旁的古道 

睇下婆婆同細媽抹晒一額汗, 就知幾驚險

事實係, 西貢古道應該係近來少人再行, 所以長年累月下, 原有古道被雜草掩蓋,

因為按地圖同W035的位置圖, 都有顯示ga

接返荒蕪石橋了, 路已經開始比較明顯返

媽咪同細媽雙腳佈滿傷痕及被蚊叮滿痕跡, 婆婆雖然無蚊叮, 但都有點點草刮傷痕,

我地就在披荊斬棘下, 花了45分鐘先出天堂呀

我地雖然話係見光明, 但仍要行10分鐘枯草路, 對我都幾危險, 因為有些似沼澤地帶, 又有暗地隙縫, 最後媽咪都係抱我行, 怕我扭親腳仔

終於行完古道喇

開始接回石屎路, 輕鬆返晒, 以往介紹的田地, 絕大部份荒廢了

蠔涌河邊, 即是快回蠔涌路, 即將完成今日路程

坐小巴返市中心, 肚仔好餓, 我都可以舒服食肉條條同飲水休息下了