080914長洲環島賞月行

今日係要家好月圓慶中秋大日子, 我地約埋大姨媽一家, 浩浩蕩蕩入長洲環島慶中秋呀, 大姨媽一家租左渡假屋, 但婆婆怕在外睡陌生床,

我地就盡量爭取時間, 搭9點半船, 早點入長洲玩盡佢

原來大姨媽未試過行長洲O架, 咁我地一家僅係陪佢地去東灣仔同北角咀喇

天氣好熱, 要上好多石級, 加油先

上高D, 風景又好D, 我就天開心D

真係好熱o架, 婆婆同兩個表姊偷懶, 唔肯行, 只係在山頂觀景刻停我地,

你地睇, 細媽就行得好enjoy por

行返觀景亭, 等埋大姨丈去半島探索完畢,

我地行落山去大鬼灣, 去返市中心食lunch 喇

原來大鬼灣新村海邊, 整好左個休憩亭, 仲有個長洲全島添呀, 上次來仲未起好o架

大家好肚餓, 又口渴, 先來串生果冰冰串先

再去長洲出名的張記魚旦食魚旦河, 但名不副實, 大家都認為D魚旦超級咸,

應該用左好多鹽去醃魚肉防腐, 超失望呀

食飽飽, 安排埋渡假屋 check in, 我地就搭街渡去張保仔洞尋幽探勝

洞內真係好黑好窄, 無可能唔幫襯租幾支電筒仔o架, 而細媽就全程抱緊我,

否則我一定嚇屎呀

離開張保仔洞, 我地行去五行石

婆婆同大姨丈想做壁虎爬牆呀

想唔到鯆魚灣係咁令令o架

婆婆話要承擔一切, 頂大石喎

好熱, 細媽同婆婆開始傻左, 媽咪都熱爆, 無氣影相呀, 仲有小長城未行喎, 加油啦

我地在明暉營轉往小長城家樂徑

呢舊叫花瓶石, 但另一角度, 佢比另一塊人面石更似人臉,

大家覺唔癿佢似一個中東包頭巾的美女呀

終於環島遊完畢, 其實仲有好多地方未行齊,

但已經疲憊不堪, 返去渡假屋飲下野, 嘆冷氣先 

唉, 好想即時有覺好訓呀

休息夠, 係時候出外搵食, 入黑, 今次媽咪記得拎燈籠出來

大表姊仲將熒光圈擺頭做頭僑, 令唔令呀

一家人開開心心食餐簡單晚飯, 比天下豪華美食更窩心

祝願世界上每一個家庭都能團團圓圓, 中秋節快樂