201024覓共享公園

 又一連三日假, 今早起身, 都仲係掛三號風球,唔想婆婆擔心有雨, 都係城河啦. 

細媽話三日假, 在城河畔, 唔同路起步都有新意.

佢話不如去對岸搵人寵共享公園.

都好吖.

要同婆婆講, 怕佢向前行左去.

今日都好好風.

行行下, 媽咪話不如去馬鞍山.

好少呢個位望返小榕樹.

婆婆, 帶你去前面, 改闊左. 你無行過.

條路闊左, 婆婆都話好好多.

但婆婆有D攰, 去馬鞍山富安, 途中無廁所, 都係返轉頭好D.

咁返來望望小榕樹.

上次搵唔到共享公園位置, 媽咪上網睇左地圍, 今次一定無搵錯. 到入口位.

其實唔算好多位置行, 有些健身區同滾軸場地, 我都唔行得, 都係一條唔長路.

轉個彎行完, 主要方便大人去廁所囉. 見識過就夠.

時間差不多, 返去喇.

我認得上天橋, 可以去搵到車呀.

又例牌, 返屋企清潔好又出來, 食個開心午餐, 又下午搵周公子傾歇.