201010覆診日無牌日

除脾後, 今日覆診, 順便打年針同續牌仔. 因為要先照超聲波, 醫生要下午先會安排, 所以約15:15到診所.

今日無車又塞車, 遲左到. 細媽交我俾姐姐, 佢就先返屋企等.

唔知報告點呢? 大細媽預 19:45 聽報告.

醫生話HCT 比上次 22/8低左, 上次有36.4%, 可能係焦蟲仍在體內慢慢破壞紅血球, 可留意我牙肉有無白同會易攰. 其他指數可以. 建議一至個半月驗血一次, 如果HCT落回 30%以下, 要食返抗生素.

腎指數比上次好. 但肝酵素高左好多, 表示個肝唔太好, 可能食藥太多, 加上年紀大, 醫生會開多隻補肝藥 (Nutramarin Tablet ) 俾我. 

至於超聲波顯示, 肝有好處白色影, 通常係良性纖維化, 老年狗會係咁, 黑色影才怕. 一邊腎唔錯, 一邊腎稍差, 老狗現象. 膽有細粒砂, 呢樣一早有. 胰臟有輕微發炎, 因為之前受傷過所影響.

總括來講, 以我15歲多, 身體狀況唔太差. 但唔建議打年度預防針同瘋狗針, 因為係打病毒入體內, 好易影響肝臟同腎臟. 盡量少出街同唔好接觸其他狗, 咁就可以避免感染外間病毒.

今早來到, 漏左磅重, 磅返 : 5.5 KGS, 可以肚空空, 屎都無呀.

大細媽話, 知有朋友仔在老年後都無打針, 一樣有出去, 狗生困在家好慘. 平常心啦, 每事小心囉.