180826天氣炎熱下

又話會有驟雨同雷暴, 唔敢似上星期呀, 同昨日咁, 瞓晏D先起身.

原來真係半夜 3 點幾掛起雷暴警告, 4 點 45 分取消, 大雨在新界北部.

今日無昨日咁熱, 但都係一樣熱, 有打傘侍女陪住, 唔怕曬親.

行左一陣, 放鬆下, 輕鬆晒.

打傘侍女, 婆婆唔見左呀, 你有無留意呀, 係咪仲係後面呀 ?

咦, 原來係行左好遠, 點解咁快 ?
打傘侍女 : 少爺, 你行兩行,又行返轉頭周圍八, 10幾分鐘路程, 行左半個鐘, 都未出到河畔.

咁出得行, 預左要行, 唔八下, 邊有樂趣.

繼續係藍天.

晨運客得返一兩個.

婆婆, 今日, 你唔好又話要行到最遠去廁所, 有需要, 早D轉彎呀.

見到沙燕橋, 目的地在望.

婆婆, 記住喇, 唔好行遠.

今日可以在瀚源橋就回頭.

熱呀, 細媽話叫我唔好行.

我坐私家車, 直達飯堂.

今日繼續坐返呢個風機位, 吹住好舒服呀.