早排配左兩星期藥, 醫生有提, 如果食一星期, 情況好, 可以減左抗生素, 但一停, 軟便又來, 惟生繼續食埋餘下一星期抗生素啦.
星期六同日玩完, 星期一無便, 藥都食晒.
星期二晚, 細媽收工返來, 有便喇. 雖然唔係硬身, 都可以接受.
點知, 星期四晚, 細媽收工返來, 洛洛又表演痾大便. 係軟身.
細媽剛清潔完, 洛又痾第二篤, 更濕.
又清潔後, 再立刻第三篤, 唔得掂, 好爛呀.
媽咪返來, 惟有打電話去診所, 想問吳醫生, 配藥定覆診好呢.
點知診所所有人太忙, 媽咪再夜D打去, 醫生收工走左了.
媽咪只有今早再打, 點知吳醫生今日起放大假, 哥哥想係醫生未上機前問下意見, 仲未到. 媽咪即刻問晚上有邊個醫生, 今晚收工帶我去睇, 今日係陳醫生姐姐, 因為醫生姐姐主力心臟科, 不定期在診所, 我呢幾年搵開佢, 只係早輪手仔軟同軟便, 撞唔到佢咋.
約 7:15pm, 細媽收工趕返屋企帶我出去, 媽咪收工, 直接去診所.
可能係專科啦, 所以, 所有睇其他醫生的朋友仔都睇完, 都未到我, 我等到 8 點半過後呀.
醫生睇晒紀錄, 摸我肚仔, 見我肚仔有D漲, 似有少少痛, 加上我一直都軟便, 雖然無痾, 都擔心我有胰臟炎, 建議驗血同照X-ray.
大細媽在外等候.
報告出了, 血報告, 大致正常, 無貧血, 指數都在正常範圍, 係血小板大左D, GLO低, 要多飲水. 而脾臟有發大情況, 醫生驚我脾臟有腫瘤或cancer, 建議照超聲波, 就知脾臟有無纖維化出現.
因為我年紀大, 消化能力相對比年輕時差, 建議唔好俾太多零食或只食肉, 自己煮係最好, 但要適當將飯同肉比例拉近. 食開的狗糧就唔好再食, 同轉一隻易消化糧. 可以食酵素同益生菌幫助消化, 但我都有食開, 唔通係肉粒粒問題 ?
我只係食白金肉粒咋, 可能肉粒蛋白質比例高啦, 但我只係一日食廿粒左右, 惟有暫停先.
配左一星期藥, 有抗生素/止瀉丸/益生菌, 細媽話都打算幫我照下, 但要抽空安排.
本來, 今日係婆婆舊曆生日, 大細媽一早預今日收工即返來, 同婆婆出去食飯, 點知我要加急處理, 婆婆諒解, 睇完回家, 外賣長壽面, 俾婆婆食住先啦, 明天補返.
沒有留言:
張貼留言