180812下雨也不怕

瞓到夠起身, 出面有陽光呀, 仲唔快手快腳咩.

飛的入大圍, 點知落車時, 又來大雨, 出左來, 婆婆無得走, 要跟住我地走.

仲唔停雨, 唔驚, 有細媽, 無有怕.

我地行去馬鐵橋底, 周圍八下囉.

好似細雨喇, 快快行.

媽咪擰乾件 cooling coat, 吸水當雨衣.

沿橋底下單車路行, 安全D, 因為靠馬路的行人路, 車經過, 水飛濺, 會濕晒成身呀.

落雨天, 應該無人捉卦.

越行, 雨越大.

未到傾盆大雨, 我自己行, 成頭都濕晒.

最終, 太大雨, 大細媽輪流抱我.

最後都係細媽抱後段, 因為媽咪手軟, 無鬼用.

今日初二, 仍係大潮, 水漲得好高.

運動場果邊單車路, 地勢更低, 一定漲晒上來.

雨細左, 我自己行埋尾一少段, 始終都要做下運動.

到飯堂, 已經除左 cooling coat. 背部係乾, 頭同肚濕囉.

又在風機位, 好彩氣溫適中, 唔凍咋.

食埋午飯, 返去又要沖涼呀.