180819避雷雨黃雨

昨晚, 細媽一路講今日去食早餐定午餐好呢 ?

清早未夠 5 點, 佢見外面無雨, 就起身清潔, 跟住 5點幾, 叫我地起身.

梳洗好, 換好衫, 我又梳好毛, 正準備落樓等頭班車時, 大雨就來了, 仲有雷聲, 媽咪睇手機, 原來係雷暴警告,  雨越落越大, 6 點了, 大家又換返家常便服, 又返房瞓過.

 9 點, 媽咪手機鬧鐘提示響, 起身望下手機, 期間掛過黃雨呀, 今早好彩無拼搏照出發咋.

見雨都停, 一於又出動.

 


來到大圍, 天上雲層開始薄.


仲有陽光呀.

呢條橋, 原來編號係 NF43, 翻新左圍欄, 但似乎手工都幾差, 有好多駁口, 好肉酸, D小白象工程, 真係浪費.

好彩帶左 cooling coat , 媽咪本來想當雨衣索水, 現在變返原來功能.

雨後, 無乜人.

好耐無來打咭, 上星期日, 未來到呢度, 已經好大雨.

城門河, 有好多山水帶住泥流出來, 成條河黃了.

下星期好似又係有雨呀.

但來城門河都好吖, 唔大雨就得.

無乜撞到朋友仔.

打完例咭, 可以衝去飯堂.

細媽 : 洛洛, 快D出返來, 小心蛇出沒.

上次見過一條小蟒蛇由河游上來, 所以, 細媽都驚我會俾蛇食左.

都 11 點半, 11點朋友仔一家都食完回家. 唔知有無位呢 ?

仲好多位呀, 唔通落雨, 個個唔出來 ?

返到屋企, 媽咪上網睇下天氣, 原來半夜 4:05 已經發出雷暴警告.

如果細媽知, 就唔會叫晒全家起身呀.

媽咪再起身時, 黃色暴雨就跟住取消, 一定係怕左媽咪煩.