今早又摸黑起身, 媽咪話唔會又大雷雨卦.
來到小瀝源, 天氣唔錯喎.
手機響, 雷暴警告又來了, 但頭頂係藍天呀.
唔知雷公係邊度頭頂呢 ?
我掛住八, 婆婆超前好多. 婆婆, 等埋我呀.
急步追, 終於貼近.
我好鍾意同婆婆一齊行, 並肩行, 拍住上, 齊運動, 身體好.
因為今日係香港全民運動日.
藍天呀, 周圍望, 見望夫山果頭就好多厚灰雲.
呢邊就好好陽光.
好彩有高樓擋下.
否則, 就算著住 cooling coat, 都唔可以在烈日下曬.
中暑點算.
針山一邊, 無晒雲.
可能仲早, 雖然熱, 但陽光照來, 仲未抵烈日強度.
雖然係咁, 都係影完相就搵遮蔭位行.
同姨姨打完招呼, 我又在習慣位置小休.
休息一陣咋, 婆婆又超前.
佢肯定肚餓, 行得咁快.
行下都要休息下.
唔駛扯太緊.
反正都係要瀝源橋就回頭.
今日無朋友仔, 早排提話去游水,唔通最後定今日 ?
今日無朋友仔吹水, 早左到飯堂, 但飯堂好黑無燈又無開風扇.
原來跳電制, 其中一邊無晒電.
咁惟有坐近外邊, 唔駛在內邊咁焗.
野食到齊, 電又有返, 我地即時搬近風機位.
點知, 電力時有時無, 好彩我有自備風扇咋.
沒有留言:
張貼留言