昨日算係長途啦, 今日當然要 Hea Hea.
起來時, 天色唔錯.
陽光仍係春天般的柔柔地.
呢段由小瀝源行出河畔的路, 我有本事Hea拖到成粒鐘.
但今日拖到大半個鐘出來, 已經算快左 XDXD
陽光升高左, 雲層又散了, 照在身, 仍是暖暖的, 唔覺熱.
城河有新春長跑, 在城河畔行人徑, 太多人了.
細媽見對岸無人, 話不如行對岸啦.
點知未過晒橋, 媽咪見對岸行人路封左, 仲有參賽者跑來, 原來有分 5公里, 7 公里同10 公里.
對岸已經有 10公里參賽者跑去體育院, 有 7 公里的又轉上橋, 咪又係行唔到, 惟有返轉頭.
快跑者散了, 得返 Hea 跑者, 我自己可以自由行, 唔驚俾人踩親.
今日早返出來, 細媽話太早, 飯市未到, 要行到呢度打咭.
可以返轉頭 Yeah.
如果昨日一早咁好天就好啦, 可以去睇桃花.
下星期又話潮濕了.
星期三就係我生日, 希望天氣會轉為無雨啦.
陽光伯伯, 你可唔可以當日早些開工呀.
春天來, 好多花花都盛開.
沙角邨呢棵風鈴花開得好燦爛.
媽咪今年終於係見到最茂盛時候.
可惜太高, 我唔可以同佢影到相.
來到飯堂, 好開心呀.
起身晨步, 就係等來開餐 he he.
沒有留言:
張貼留言