180219初四例牌行

 一連四日假期, 我唔可以似以前咁, 回復精力咁快, 聽日, 大細媽都要返工.

我地都係例牌行下城門河.

昨日微微細雨, 全家無帶遮, 今日好好天喎, 佢地又帶左遮.

我地今日都係瞓夠出來.

但我仲想懶床多一陣呀.

今日河畔少左人.

應該撞唔到熟朋友.

媽咪叫我走下.

又係喎, 走多走, 人就精神左.

我兩婆孫, 玩到第四日.

每日郁動下, 全年身體好.

媽咪由得我拍板, 我當然行到沙燕橋就轉去飯堂啦. 行左個半鐘啦, 你地都肚餓.
點知唔係去飯堂, 直接坐的士返屋企, 我上車時, 超失望.
原來飯堂初四至初六休市, 我地改返去屋企飯堂, 坐低, 即時開心晒.