180203柏架山 518米雙波雷達站

呢幾日凍, 今早六至七點, 溫度都係 7.8 度, 婆婆昨晚已經話凍, 今日唔想出動, 我地無勉強.

雖然得我地三母子, 媽咪唔行泥路,怕我行到成身泥, 沖涼凍.

所以, 細媽提議行東區自然步道, 但由英皇道起步.

呢區都好多晨運客.

我好忙呀, 起步成日留後.

快到燒烤場, 有個姨姨提醒媽咪, 前面有野豬, 媽咪立亭抱我, 但都係交返俾細媽負責, 因媽咪想影相.

上少少, 真係見到兩隻大野豬.

唔止呀, 仲有細豬. 一共三大五細, 細媽抱住我, 唔亂郁, 大叫, 都安全.
因為晨運街坊話佢地每日定時上來, 好似有人餵麵包, 見慣人.

另兩隻大豬在一旁搵食, 豬仔由媽咪帶領下, 本來想上燒烤場.


但最後都折返.

帶領佢地落返山谷, 而兩隻大豬隨後.

行左 10 幾年山, 第一次見咋.

本來今日去西貢睇吊鐘, 但婆婆唔出動, 取消計劃. 點知呢帶都好多.

昨晚細媽有提話再行高D.

就係我身後港島第二高峰, 全港第十二高的 532 米柏架山.
因為由陽明山莊行去太長程, 又或係一路由地面上, 直上咁高, 一直無諗過帶婆婆上.

到大風坳, 好嘈呀, 原來今日係環島行.

我地唔係去野豬徑呀, 係向上行.

唔難行, 因為全係車路.

上到有分岔位, 媽咪話行右邊睇下先啦.

抵達波波.

同大帽山個波波差不多.

返轉頭, 原來另有一個波波, 即係另一條路啦.

上得來,當然去埋另一邊.

又係斜上.

呢個係東北峰雷達站, 高 518 米.

呢度唔係柏架山最高, 因為要行山徑往另一西南532米主鋒, 雖然只係 500 米, 但唔好囉.

上到最高位, 本來可以望到好地方, 但好濛呀.

要落山喇.

就係呢個分岔位, 如果我地先選擇行左邊, 就唔知右邊都有另一個波波.

大細媽叫肚餓, 我唔可以再 hea.

落山快好多, 又回大風坳.

怕人多, 唔久留.

又高會有晴天陽光.

途中, 細媽發現有幾隻相思雀在食花蜜.

又回到休憩涼亭, 相信無野豬再出來卦.

快到平地時, 細媽怕我攰, 挽挽呀. 又係呀, 我自己行上到 518 米, 又落返來.

今日來往 10 公里, hea 行, 又影下相, 用左 4 小時, 三母子差不多啦.