161105珍妮姐姐大日子

風和日麗, 都好適合行山.

但今日, 我地無早起行山或晨運, 因為今日有個重要約會.

未到時間, 先鬆弛下.

到下狗公園行返陣, 雖然都幾曬下.

婆婆, 你點解唔入來.

唔好行太遠, 我驚夠鐘, 唔夠時間入閘呀.

都有成 7 - 8 年無坐班船.

 大細媽無著行山或晨運裝, 去邊呢 ?

婆婆, 你知唔知呀 ?

咦, 原來入珀麗灣, 因為部份島上邨民唔太鍾意太多外來狗地入來, 我又唔可以自由行, 又無地方好去, 所以都無諗會再來.

但媽咪話, 今日必定要來一次.

點解呢 ?

大日子囉.

時間仲早, 我地行去馬灣村的舊漁村.

唔同晒.

唔見晒舊木屋, 變成一幢幢村屋, 我地以前來時, 好荒蕪, 有些村屋起左個外框, 都好似好破落, 無裝修, 又無人住.

時間差不多, 我地又摸去今日目的地.

個場地擺放左好多花來裝飾.

又有個玻璃台, 好特別.

我都未試過在台上行貓步.

突然起哄, 珍妮姐姐呀.

原來今日, 係珍妮姐姐同積奇哥哥大日子, 佢地終於踏入人生另一階段.

我地一家同珍妮姐姐, 毛毛及毛毛婆婆, 2007年3月10日, 第一次在荃灣海濱旁相識, 明年3月就識左10年.


今日, 我地一家, 見證珍妮姐姐, 覓得好伴侶, 我地祝福佢地永結同心, 執子之手, 與子皆老.

呢張閃咭, 今日到手, 我地會真而重之.