160806立秋前的游與樂在赤徑

1/8 晚上8:40, 妮坦來襲港, 掛起 8 號西北烈風或暴風信號, 第日中午12:40改掛 3 號, 大細媽放左半日打風信, 颱風好近西貢, 佢地都驚今星期六來唔到赤徑.

好彩雨量唔算大, 見小徑旁都係吹斷小樹枝.

無塌山泥呀.

到赤徑小河邊, 突然聽到細媽大叫, 原來佢變成網中人.
成個蜘蛛網掃在頭, 笑死媽咪同婆婆.

當媽咪幫細媽清埋網時, 我已經急不及待落水, 仲上返來.

細媽話行出去玩好D.

好啦, 跟住出.

水唔太凍, 但都有少少涼, 聽日立秋了, 9 月中未必可以游了.

今日雖然無雲, 但暫時唔係好曬.

今日水流唔太流動, 咸淡水易產生泡泡.

泡泡, 無損我游水興致.

游下, 踏下水.

水中暢泳.

一洛也.

攰左, 游去淺水區企住休息.

跟住又游游游.

在深水位, 就由細媽抱我休息.

見我同婆婆嗎 ?

游左好多轉, 開始攰呀.

游返去深水區.


上私家車先.

婆婆, 夠時間走喇.

其實都想玩多陣, 但要趕返10:10班船.

今日夠晒運動, 下星期六又來.

今日要小心.

睇實條路.

應該唔會跌落去.

仲有, 今日留意船來.

唔好企埋個石躉, 要安全至上.

順利上船, 我地返到碼頭, 細媽見遠處有綠的, 媽咪飛奔截車.

出到市中心, 今日唔係去哥哥茶餐廳, 改去酒樓.

因為下星期二係婆婆 77 歲生日, 今日帶佢食好D.

食海鮮餐, 相信婆婆一定鍾意.

我就好滿意, 見我同婆婆笑得咁開心就知啦.