處暑後, 太陽遲出來, 今早等車, 天色比前兩星期暗藍, 旭日初升, 雲霞係紫紅色, 好靚呀.
今早, 本來想去玩水, 但好似話有局部地區性驟雨, 加上婆婆無跟我地出來晨運, 只得我地三母子來城門河.
雖然踏入秋天, 但昨日有反氣旋, 今日有低壓槽影響, 氣溫接近中午都會高.
降溫戰衣仍要著上.
上星期日, 因雨關係, 見唔到得得B, 今日佢一見我, 即衝來.
我有我吠, 佢有佢傻.
呢個細路都幾煩下.
我地都算漸熟絡.
得得B由一隻爛肉無乜毛的浪B, 變為有媽錫, 有街坊讚的靚細路, 好幸福.
唔傾得耐, 溫度一路一路升, 都係走去打咭要回頭.
仍陽光充沛.
稍後黃昏, 可能又有驟雨.
Hea 夠, 希望聽日起身時, 唔會大雨啦.
食埋早餐, 我地都係回家補眠了.
沒有留言:
張貼留言