160828紅雨後的清晨

由昨晚十一點多開始落雨, 跟住雷暴警告, 黃雨, 紅雨, 到凌晨四點先除下所有信號, 我同細媽都唔係瞓得好好.

本來以為起身都有雨, 原來停雨, 我地又可以晨運.

又以為颱風獅子山會吹來近香港, 又轉返北上.

咁我扮獅子山啦.

蝸牛出沒.

行左陣, 靈魂回來.

笑返了.

今日竟然未見得得B, 只見小寶, 我地一於打咭再回頭.

回頭, 得B出現, 佢一見我, 即遠遠走來.

佢好煩呀.

金毛又出現, 我地堆埋一齊玩.

金毛仲一連兩次, 爬上細媽身, 要細媽錫, 開心死細媽.

今日盡興, 要回家, 下星期又玩過.

食早餐時, 可能剛才吠得多, 好口渴, 飲水補返先.