160515晨步小花洛

雖然天氣開始漸熱, 但未習慣摸黑出動, 先一次比一次早起先.

其實我未瞓醒.

行左幾步, 回魂了. 今早起身25度, 雲多, 有風,暫時唔著 cooling coat.

跑跑下.

突然有黑影撲來, 原來又係癲雀出沒.

好彩佢撲左我兩次, 又有大細媽保護我咋.

每次來, 總係心情特別開心.

媽咪, 太陽高掛左, 都係著定 cooling coat.

唔可以行到身熱先來著.

效果就差遠.

跑呀跑.

嘩, 又見一對癲雀, 可能佢地未生蛋, 無埋我. 

其實, 我又唔識爬樹, 又無搞佢地, 何解年年呢段時間, 次次搵我突襲.

熱呀, 今日唔去大圍走, 所以行遠D先回頭.

又是黃小菊出現.

沒入小花中的我.

滲出幸福的我.

要快步去飯堂了.

除左小菊, 亦係雞蛋花季節.

走呀, 我今早, 一條胵乾都未落肚.

霸住位, 茶檔姨姨叫我靚女, 我吠左一聲來反抗, 我戴花,唔等於係女仔喎, 姨姨, 下次記得叫我靚仔呀.