起身又奮興, 因為我知又出去玩. 本來再早點到, 點知一上的士, 媽咪立刻發現帶漏最重要野 (我的雞乾), 佢即時叫司機停車, 自行飛奔回家拎.
否則就唔駛遲出發, 細媽, 下次出門前, 又要記得提出街幾寶呀.
木荷花又開花了.
5/5已經立夏, 今日不宜遠行, 所以我地由燒烤場起步, 行半段緩跑徑, 上返畔塘徑折返.
有風, 有厚雲, 有降溫衣, 唔怕熱親.
沿途有工作人員跟隊呀.
有樹蔭, 有太陽帽, 有降溫衣, 好多行山人都讚我齊裝備.
細媽都帶遮帶手袖.
途經小溪, 我自行落水玩, 浸下腳, 立刻電兔上身.
快到小橋轉上涼亭前的位置, 見到好多黃色植物.
好大棵呀.
黃裙竹笙, 有微毒, 唔好當竹笙來食.
當睇完竹笙, 我走去小橋下的溪流, 想沿大石望下水, 點知唔小心跣落水, 水都兩至三尺深, 好彩我識自行游返上來, 但降溫衣索晒水, 重死我呀.
反正濕晒, 媽咪直情幫我除左降溫衣, 因為話可以直接淋水在身.
我地在涼亭時, 好大班馬騮, 媽咪為免出事, 抱住我行. 迎面有幾隻前來, 媽咪準備靠埋一邊, 諗坐各有各路, 點知隻大馬騮望實我行來, 媽咪知我成了馬騮目標, 惟有發狂大叫佢走開, 隻馬騮先走開. 唁通隻馬騮當我係同類, 想行來八卦下 ??
驚魂未定.
又濕晒, 笑唔出.
終於到第七段起步點, 媽咪話唔知幾時先可以再行針山.
11:19am , 我地回程時, 先係其他行山人起步時.
太陽高高掛, 就係回家時刻.
仲以為有運行, 在此有的士, 發夢中.
最後都要落去小巴站,等左兩車先上到.
飛的來菇亭, 又埋到好位置.
細媽想到呁樣掛起個風扇仔, 我可以一路嘆雞乾, 一路吹吹風, 正.
沒有留言:
張貼留言