昨日睇天氣, 知道今日天氣唔會太差, 而且今日都要沖涼, 細媽話污糟都無問題, 一於來城門水塘行下.
本來仲睡眼惺忪, 起步時, 影左張呆樣相, 點知媽咪唔小心刪左.
昨日有位腦退化女士, 在附近行山失蹤, 我地都希望在途中遇到佢.
在小巴站, 有好多警車, 消防車同民安隊車, 車上見有緊急救縵隊成員, 個個好攰, 唔知係咪通宵搵失蹤者.
但願失蹤者平安無恙.
仲有, 可能小巴站同小食亭太多搜索人員同車, 竟然無晒馬騮, 點知我地在畔塘徑閘口起步,全家拎住麵包食時, 竟有馬騮跳近婆婆, 嚇到婆婆將口中咬緊麵包, 急急伸入衫內, 細媽即時收入我個袋, 媽咪唔埋咁多, 立刻放麵包入褲袋同即抱我遠離馬騮. 一路行, 沿途都有馬騮, 幸好, 見安全, 全家即時狼吞麵包, 快快消滅佢.
雖然無雨, 但條路都有點濕.
預左簡單輕鬆行, 我地都係到半閒亭, 就折返.
婆婆, 你仲咁精神, 我要打喊露了.
反正腳仔同肚仔濕晒.
當然放任草地四圍跑.
仲要落埋水塘邊.
好爽.
夠了, 要回程.
變左濕水雞.
婆婆, 我地玩左三日, 又要休息四日了.
雖然又預告下周六及日都有雨, 希望在明天.
搜索人員同車仲未走, 希望快快搵到啦.
今日返屋企附近食午餐, 呢間少來, 但唔錯喎.
我都係例餐.
媽咪, 下次可唔可以有新花款美食呀.
沒有留言:
張貼留言