無預定, 瞓醒先算. 細媽晨早起來, 見天色可以, 即叫大家起床, 臨時決定又來深井繞個圈.
雲層厚, 相信有半日行下.
上山途中, 媽咪摸我耳仔有點熱, 脷仔又伸長, 幫我著返散熱戰衣.
著完, 立即涼陣陣.
上斜喎, 戰衣又可以防曬.
仙茅
鬼怒瀑仍是水長流.
媽咪見唔太濕潤, 不如行下山徑.
行山徑, 我腳仔舒服, 又唔怕有往來越野單車同私家車.
而且間中又在樹蔭底.
因為臨時行山徑, 媽咪無預傭行山杖, 婆婆好醒目, 執到支竹.
我倆婆孫齊晒行山裝備.
山管蘭
又到十字路, 婆婆話想行長少少.
咁我地靠右向林道方向行啦.
婆婆身壯力健, 心智還有點童真.
滿山黧蒴錐開了花.
到林道喇.
有些風, 吹來好舒服.
擬金草
相思樹開花期, 點點黃.
突然有牛大軍在前, 有隻牛牛遠遠見到我, 即時想行來, 媽咪即時抱起我, 牛牛立刻停步.
走近點, 有隻牛牛又走近婆婆身後, 想八卦婆婆個背包.
遠離牛群, 我又可以自己行.
輕風足, 我感覺越來越涼.
媽咪, 我覺得涼呀. 媽咪摸我耳仔, 真係微溫, 要立亭除下戰衣, 否則怕我散熱過龍.
無左降溫衣, 成個暖返, 舒服晒.
黧蒴錐
好好風, 天暗了, 唔通想開始落雨.
行快幾步先.
都一點, 要快些落回深井村.
又偷左半日行山, 真係正.
一停低坐下, 我即時好攰, 唔通真係老 ?
沒有留言:
張貼留言