成個舊曆年假, 我地都未全家人食團年飯.
大姨媽一家出左埠玩, 於是用Whatsapp相約今日, 叫埋肥舅父一家, 來我家附近食午餐做節.
約左一點半, 我地一於入來城門河行下.
真係好天.
但玩左三日, 今日有些攰, 出來散下步都幾好.
剛才仲有陽光, 太陽伯伯又偷懶了.
都好, 唔好太曬, 今早真係覺有些熱.
預左行兩個鐘呀, 雖然訂左檯, 都要早返去, 早些拎位.
可能瞓夠, 精神爽利.
因為昨日行山時, 痾了少少血, 細媽話我假期食多左, 消化唔來, 影響腸胃, 昨晚已經食左加強版益生菌.
媽咪見我笑容, 都知我好返.
細媽話唔行回頭路, 直接去大圍回家.
沿途, 個個話我乖, 企定定俾媽咪影相. 都係我份內事, 唔駛讚呢.
到大圍, 今日人流多了, 為免俾人踩親, 到此止步, 上返細媽號私家車, 要返屋企啦.
為左就我, 全家樂意在室外食飯. 舅母突然唔舒服, 無來.
今日仲為二月之星慶祝生日, 當然有我份, 大姨媽在新加坡帶回我至愛斑蘭蛋糕, 齊齊唱生日歌, 但太開心, 忘了影相呀.
飯後, 全家準備各自回家, 抬頭一望, [我要真普選]又重現在獅子山頭, 雖然在濃霧中, 相信好多人都無忘記.
沒有留言:
張貼留言